ياخال ياطول الهواجيس طولاه=قصدي ياطول الليل وإلاهجوسي
يحدها بيت ن قوي وإتحداه=كنهاتبسم للزمان العبوسي
لي قدر مع أبنا العمومه ولي جاه=وإن زاد قدري من زيادة فلوسي
مليت من شوف الوجيه المهباه=اللي على شاني تحد الضروسي
ماهم بكفو المرجله والمخاواه=ودك تمثنا روسهم بالسكوسي
أحدن نمر بمنزله وإنتعداه=واحد ن نمره لوطريقه نكوسي
وإختامها ماعاد فيها محاباه=الله ولاخوة ضعاف النفوسي
= ورد علي بندر ويقول
البارحه جاني عن النوم مجزاه=عفت المنام وضيقتبي لبوسي
يسريبي الهاجس على غير مشهاه=والجفن عن حلو المنام محروسي
آخذمعه واروح وارجع لمبداه=واسج لوإن الخلايق جلوسي
كله سبب خطا لياجيت بقراه=خلافؤادي والضمير محموسي
يابن نوار الوقت كثرت خطاياه=والظرس لابده يجي فيه سوسي
وإن كان جايك من زمانك معاناه=قدمك خذيت من الليالي دروسي
مشيت في الدنيابليا مبالاه=واخذت تجريب الفهيم الحسوسي
والناس فيها اجناس والعلم تلقاه=وعلم الحيا تخبرك عنه العسوسي
واللي ماقدر خوتك لاتنصاه=مأنته على الخبل الضعيف إمعكوسي

اخوي عبدالله نوارصح لسانك وصح لسان بندر
قصائد رائعه ولا تحرمنا من قصيدك

المشاركة الأصلية كتبت بواسطة عبدالله نوار (المشاركة 59157) بن مصاول يعطيك العافيه لاهنت على مرورك العطر ولاهانو جميع الاخوان شكرا من الاعماق لأعضاء هذا الصرح الشامل

المشاركة الأصلية كتبت بواسطة أبن مصاول (المشاركة 59160) عبدالله نوار انت شاعر متميز لذلك تم منحك وسام التميز لتميزك في طرحك للأشعار الجزله وننتظر منك اتحافنا بالرائع والجميل من شعرك أبن مصاول