العمر فرصه والحياه ايام والدنيا ظروف =والمشتبه بالامر ما بين الحرام من الحلال
الشعر ديوان العرب وانا بشعري فيلسوف= اترك اهزال الشعر وانقى من معانيه الجلال
البارحه صدرالجنوب يضيق واشوف الحسوف =وين انت يا صدرالشمال احتجت للفزعه تعال
وردت مجاهيم الليال احيام ورياحي شعوف = من يوم وقفني بدرب العشق يسالني سؤال
واقوله بيني وبينه يا عسا الحب مخلوف = ان مارجع ربحه علي والله لا ارده راس مال
كم لي وانا تكويني الدنيا على روس الكتوف = واشيل ما لا اطيق من شانك واحملها الجبال
ومديت لك ريحانة الاشواق في بيض الكفوف = قبل يجف العطر والاشواق تدفنها الرمال
وقفتني في الشارع الضيق وممنوع الوقوف = مسار واحد والمصيبه لا يمين ولا شمال
تقول طوفها معي واقول عيت لا تطوف = اجيبها منا تجي منا و لا فيها مجال
والحب ما ينفع معه فزعه ولا واو معطوف = والحب لو زالت جبال الارض ذكره لا يزال
يرقا على رجم الغرام ويصدمه نبض الحروف= اشوي من نسج الغلا واشوي من نسج الخيال
وش عاد لو غنيت طاروقك وصفيت الصفوف = صف يبا ياقف معي وصف اليا من رحت شال
والله لتبطي ما وصلت ادنى مواصيل الهنوف = الجادل اللي دمعها لارحت والا جيت سال
الجادل اللي طيفها عندي ولا كل الطيوف = ام الحلا ام الغلا ام الدلع ام الدلال
اللي هداياها ملت كل الزوايا والرفوف = يطلع ابطلتها بدر ويغيب لا غابت هلال
وانا اقدرها مثل تقدير حاتم للضيوف = واطرب على فية غلاها كل ما مال الظلال
اعيشها عيشة عمر مابين امن وبين خوف = ازرع لها شعري وهي تسقيه من غيث الوصال
حتى خذتني عشق وانا اخذتها رغم الانوف = واسكنتها روح عن اهروج البشر منفى اعتقال
والا انت قربك ما يشجعني وفرقاك امعروف = اقلط على نزف الشعر والفال يقفاه العقال
حتى لو انت الذ من تمر المدينه والهفوف = ارحل ترى ايامك خضر لكن ترى اسنينك اهزال
وفر ادموعك دام دمعك مر والدرب امحفوف= جعلك فدا من هلت ادموعه علشان ابتهال

البارحه صدرالجنوب يضيق واسـوق الحسـوف

وين انت يا صدرالشمال احتجت للفزعـه تعـال

وردت مجاهيم الليال احيـام ورياحـي شعـوف

من يوم وقفني بدرب العشـق يسالنـي سـؤال

صح السان الشاعر محمد بن مريبد العازمي
وتسلم يا الغالي صالح على النقل الرائع
** وهذا اللي شفتة من أهل الشمال سعة الصدر **