بسم الله الرحمن الرحيم
السلام عليكم ورحمة الله وبركاته
مدباج الخيل ابو شويربات
هو فلاح بن عبدالله بن محسن بن فواز ابو شويربات ولد في سنة 1892 م وتوفي بحفر الباطن سنة 1972 م وقد حضر الكثير من المعارك والغزوات منها :
غزوة الليليه في منطقة خرانق شمال المملكة ضد قبائل العراق
غزوة بين البرزان وقبيلة شمر
وغزوة ابن وذين العجمي
وسمي مدباج بذلك لانه يقوم بدبج القوم المقابله
وكان هناك غزوة بين البرزان بقيادة الشيخ / فيحان ابو شويربات (( فرعون )) وبين قبيلة شمر بقيادة عكرش ابن فروان وقام مدباج بقتل عكرش في تلك الغزوه فنذر فهد ابن عكرش ابن فروان بذبح فاطرين اذا تمكن من قتل مدباج ابو شويربات وبعد عدة سنوات غزا البرزان بقيادة علي ابو شويربات بعد وفاة فيحان على قبيلة شمر وكان في تلك الغزوه فهد بن عكرش ابن فروان وتمكن مدباج من معرفة فهد بن فروان من عزوته وكان مدباج يعلم بالنذر الذي اخذه فهد على نفسه فأتاه مدباج وقتله على ساقة ابوه
ويقول به الشاعر شافي بن فنيسان عندما طالت غربته
أجبر صواب القلب من عقب الاياس =أجبر صواب اللي غدالـه ذهوبـي
أنا ذهوبي مقحمـة قـب الأفـراس =اللي على جـرد السبايـا هذوبـي
تفرحبهم شقحن على الصلب رماس =عقب الضعف راحت ردومن تحوبي
فلاح كان الكـون لباسـة الطـاس =تلحقبه الحمـرا الشـذاة الذنوبـي
سمـي لكبـات الطوابيـر مدبـاس =من صلب أبوي معربـن بالنسوبـي
واليا تعلا في ظهر كـل عرمـاس =شره على نشر الجهـام العزوبـي
برزان مهدية الصعب قاسي الراس =ترعابهم العراء على كـل صوبـي
وألى اعتزوا في جدهم طيب الساس =لو جاء النذر يطوي صميل الغروبي
ويقول به أيضآ ومسندآ على المريخي في اثر تداعيات خلاف بريه وعلوى القديم ..
يا بداح زل الهرج مامن مناجـي =عن ملك ابونا شدودنا مجاريـع
ماسر شـور مربتيـن النعاجـي =راع الغنم مافك بوش الى زيـع
ألى جا من بين البدتين العلاجـي =حنا هل الطولات واهل المفازيع
وألى أختلط عج الرمك وأم تاجي =نمشي على حياض المنايا مفاريع
تفرحبنا خطو الطفوح الرواجـي =الى لحقنـا جنبوهـا الطماميـع
ياوجد روحي يا غدالي عواجـي =لا مات موت ولا عطيته ولا بيع
أشقر مضاريبـه تبـذ المداجـي =يحد زرفات السبايا عـن الريـع
ويقول العنبق السبيعي في مدح فلاح ابوشويربات
ياوين أبي القى واحدآ مثل مدباج =تنفع به العلثه ويعطـي جزاهـا
حطاط للعيرات بالضيق منهـاج =وتفرح به اللي بردت من حفاها
يشهد له اللي حاظر يوم الأفلاج =يوم أن عج الخيل غاط سماهـا
تلقى السبايا من مداليـه مـراج =في ساعة ماحدن يدور جزاهـا
له هدة يشبعها الطيـر وان راج =حتى سباع البر راهـن عشـاه
ويقول به أحد الشعراء أيضآ
أسمه فـلاح وللخيـل مدبـاج =من صلب ابويه معرباتن جدوده
وعندما توفي رحمه الله يقول به أحد الشعراء
يافج قلبي فـج سيـلآ بـوادي =هـاذي تلومـه بالنحـا بيناتـي
أقنب كما ذيبآ كليـل المعـادي =يقنب قنيبـآ واربعـه خارباتـي
دوج على مرحان بدو سمـادي =ولقى مداهيل العرب مرمساتـي
عليك يا لطـام شبـر المعـادي =وعوق العديم اللي يبي الطايلاتي
ياشيخنا كان النذر جا جهـادي =تصبح بيوته للنـذر مضحياتـي
ياشيخنا كان الحلق جا متيـادي =هو لولب الحيلات والمغلقاتـي
يقول الشاعر مفرح الضمني في قصيده منها :-
لاماطلع لك طيبٍ مثل مدباج =خيال واصل في نهار العتـوه
مضراب كفه يودع الدم كجاج =سوه على جدع المجاويخ سوه
ذكره المؤرخين بكتبهم ومنها :
مدباج ابو شويربات يغزو العوازم
--------------------------------------
14ابريل سنة 1928م
مدباج ابو شويربات : من شعراء البدو وشيخ قبيلة ابريه من المطران قام بغزوة ضد العوازم من رعايا الكويت كانوا يقطنون على بعد 15كيلومترا جنوب الوفره 0(1 )
( 1) المرجع الموسوعة الكويتية المختصرة0تأليف : حمد محمد السعيدان 0 ج2 ص 836 0
كتاب التويجري (( لسراة الليل هتف الصباح )) قال به عن فلاح ابو شويربات انه كان من قادة حركة الاخوان وبعد ذلك طلب العفوا من الملك عبدالعزيز فعفى عنه .
منقول بعد التعديل والإضافه