ياصباح الخير ياصبح الندى ياروحه=انتي الصبح الجميل وانتي الاصبوحه
وأنتي اجمل شي ف الدنيا عشانك انتي=التنفس للجمال إلاالجمال بروحه
أنتي الانسانه العفيفه الملتزمه=انتي الدلوعه الميوعه المملوحه
وأنتي الانثى بما تعنيه كلمة انثى=وأنتي الفكر الجنوني وانتي الاطروحه
وأنتي حديث النسا في كل يوم وليله=وأنتي الوحيده المذمومه الممدوحه
ماحد ن يشبهك انتي تشبهين لنفسك =حتى صوتك من حلاته بحته مبحوحه
لاتلوميني احبك واعشقك لللآخر=اجرحيني سوي اللي يعجبك مسموحه
دام أنا احبك اكيد إني بحب جروحك =لعنبو من تجرحه ولايحب جروحه
صرت لك شاعر وأنا ماني منول شاعر=كنت أحس بشي لكن ماأعرف ابوحه
لين جيتيني وحولتي سكوني ضجه=القصيده ريشتي والكون عندي لوحه
مره ارسم فرحتي وأمرار ارسم حزني =ومره ارسم قلبي اللي في ريديك أرجوحه
هذا عبدالله وهذا إحساسه المتناثر=وهذا مسباحه وذيك اسراره المفضوحه