السلام عليكم ورحمة الله وبركاته
الاخ سالم يعطيك العافيه على جهودك ولدي تصحيح اولاً : صلال لم يقتل والقصة التي اوردتها مختلفه عن القصه الحقيقية وهي متقاربه وسوف اورد مختصر منها وهي عندما رد صلال حلال خواله الدلابحه من الموازين تبقى زند عند واحد من الدلاقين ورفض يرده وراقبه صلال وضربه عند حلاله وقام واخذ السكين وصار يدخلها بين اصابع ايدين اللي عيا يرد الزند ويقطعها حتى تتعدى الكف وفعل ذلك في اصابع رجلينه ثم جلى معه اخوانه الصغار الى الحره وجلس حول ثمان سنين وفي ليله كان جالس في عرس وفيه رجال جالس ومعه جنبيه ومنزلها قدامه وقام واحد ومد يده على الجنبيه يبا يشوفها خطفها راعيها منه وقال خلها والله ان دم غباش الميزاني وولده جالسن عليها للحول وطلع هذا الرجال هو اللي سبق ان قتل غباش الدليقاني وولده ويدورونه الموازين ولالقوه وسمع صلال هذا الكلام وعرف الرجال لانه يعرف السالفه وبعدين راعي الجنبيه سأل الحاضرين قال الرجال هذا منهو ما عرفه قالوا هذا صلال الميزاني قال والقطع المهم صلال عزم على الثار لرفيقه وولده وراقب هذا الرجال ولقاه في راس جذيبه وحلاله من تحته في الوادي وقال لاخوه ذياب خلك عند الذلول واذا سمعت البندق الحق علي المهم عدا يم الرجال من الخلف وكان ولد الرجال في سوقة الطلحة يأكل الغراء ويوم زان المرمى رماه ويوم صابته البندق وهو ما التفت قال لولده بتالي عمره انحش صلال جاك لانه عارفن صلال من ذاك الليله ما هو مخليه والولد ينزل بسرعه من الطلحه وصلال يلحقه ويمسكه وهو يجيبه عند راس ابوه وهو يذكيه وكانت فيه حرمه تشوفهم وتقول دنق عليهم صلال وشرب من دمهم ورجع صلال للموازين ودخل في بيت واحد من الدلاقين في الليل وقال انا صلال ودخل عليه وقال انا اخذت ثار غباش وولده وشب النار راعي البيت وجوه الدلاقين وقال صلال دخيلي وذبح ذباح غباش كان العلم صحيح هو معفي عنه وكان ماهو صحيح دمه مهدور ولن الرجال اللي شرم يدينه ورجلينه صلال جاي قال والله ما يتم كلامكم ولكن راعي البيت وقف موقف مشرف وحمى كلامه وانتهت هذه القضية وصلال مات وهو مقتبل العمر وله ولد خلف ومات فجأه ويقولون انها نضرة لانه شجيع ومزيون وهذا الكلام مثبوت .
اما التصحيح الثاني : ام ذوي ذايب ابن ذياب اسمها هملا بنت مهمل وليست رمضاء ورمضاء هي اخت هملا . شـكــ وبارك الله فيك ـــرا لك ... لك مني أجمل تحية .