مساجله ملغمه حساسه بين الشاعر محمدماجدالدودي والشاعر سلطان شباب الرومي

غير متواجد حالياً

السلام عليكم ورحمة الله وبركاته

اليكم المساجله الملغمه بين الشاعر محمد بن ماجد الميزاني والشاعر سلطان بن شباب الميزاني
والبداية كانت مع محمدبن ماجد

مساجله بين الشاعر محمد بن ماجد الميزاني و الشاعر سلطان بن شباب الميزاني

الشاعر محمد ماجد الميزاني

ياسلطان بن شباب من دقة الجوال=نصتك البيوت اضيوف وانته معزبها
يقول المثل ما كل رجال عن رجال=لاكن انت عن عدة رجال ابمناصبها
اعرفك طليق احجاج ومعرب الخوال=ومن عادتك تعط النشاما مطالبها
ورثت الرجوله ورث والطيب بك مازال=تحي الضيوف انجات لك ماتغاربها
تحب الوفاء والخير والعز لك منزال=ولا يجهلك عرف الرجال ومناسبها
تركد وركز في عنيزه واخذ فنجال=بعد جات لك في ساعةً منت حاسبها
معاني شعر من شاعر الطرق والموال=من الشاعر الي له جماهير يطربها
ابنشدك ياسلطان يالفارس الخيال=انا واثق انك فالمعارك مخربها
لونك فصيح السان وتعدل الاميال=ولك بصمةً فالشعر محداً يكذبها
عن الحاصل الي صار فالهاتف النقال=ما بينك وبين الي ذلوله يويقبها
ولو قلت لي مهتال واقول لك مهتال=فما بالك انت المستمع كيف يعربها
نضمة البيوت اجزال والمفردات اجزال=ولا فيه كلمه قلتها غير حاسبها
تقبل تحياتي وانا وانت بطيب حال=بعد ما ابتدت بي وانتهت بي وانا اكتبها

رد الشاعر سلطان شباب الميزاني

هلا مرحبا واعداد ما همل الهمال=وعدد ما يلوح البرق وانشت سحايبها
هلا مرحبا بالشاعر الفارس الرجال=وسيع البنايد والنواميس يكسبها
تجيك العلوم اعلوم وتبين في ايت حال=ويبين الك صادقها ويبن الك كاذبها
ومدامك سألت وتبغي اجابة السؤال=جميع اسألتكم يابو ماجد انجاوبها
عقلنا المطية قبل مرسولكم بعقال=وبعدها حذفنا قيدها فوق غاربها
وترى الهرج دون اسباب يالقرم ماينقال=وترى كلمتي لا قلتها أحسب عواقبها
وترى الحر مايتبع ورى قول قيل وقال=ونفسه عزيزه ما يبا الى مراقبها
وتقبل تحياتي عبر موجة الارسال=يانسل الرجال الي تعرب منا سبها

عقلنا المطية قبل مرسولكم بعقال=وبعدها حذفنا قيدها فوق غاربها

هههههههه هههههههه ههههههههه
تحياتي لكم