سجلي حضورك بتقديم نصيحه جماليه ^_*,,..}~

السلام عليكم ورحمة الله وبركاته

سجلي حضورك بتقديم نصيحه جماليه

رأيت أن أغلب الاقسام لا تخلو من عبارة سجلي حضورك
فأردت أن يكون لقسم الاناقـه نصيب أيضا منها لذلك من لديها نصيحه
جماليه و خبره في هذا المجال أو من سبق لها ان قرأتها في مجله
نسائيـه أو من خلال الشبكه العنكبوتيـه فلتضعها لاخواتها
للاستفاده ..

سأبدأ أنا أولا :
baby oil

من جونسون ,

له عدة إستخدامات ,

* أستخدمه لإزالة الماكياج , أحط شوي في منديل وأمسح علطوووول يمسح الكحل والظل والأساس , مررره مريح لأن قوامه زيتي خفيييف ما يألم البشره ,

وبعدها أغسل بالماء والصابون وتنظف البشره وتصير تمام ,

لأن دايم الشخص لما يرجع من عزوومه يصير تعباااان ومافي حيييل يزيل الماكياج هذا على طوول .

هذي صورته بس أنا أستخدم اللي غطاه برتقالي , لأن ريحته زهوووور خفيييييييفه منعشه ,

* والطريقه الثانيه لإستخدامه ,,

بعد الترويش مبااااشره قبل ألف المنشفه والجسم فيه مويه أحط الزيت على كامل الجسم ,

ريحه + نعومه + لمعه + ترطييييب

وميزته أنه خفيييف تمتصه البشره ما يوسخ , وإذا كثرتي عادي بمجرد تلفي المنشفه راح تشرب الزايد ,

وممكن تعبئته في علية بخاخ إذا عندك علبة بخاخ فاضيه , وترشيه على جسمك ,

وعلى فكره ممكن إستخدامه على البشره بدون أنها تكون رطبه , بس إذا كانت رطبه تمتص بسرررعه .

* والإستخدام الثالثه ,,

ممكن تحطيه على بشرتك ثم بفرشة الماكياج تحطي لمعه بودر ,, الزيت بيثبتها على البشره ,,

ياااااااا سلاااام .

تحطيها على الصدر والزنود (الأيدين من فوق) يعطي إنعكاس مع النور والإضاءه وممكن على الساقين و و (عند الزوج يعني) ,

- الطريقه هذي يستخدموها الفنانات , مع الإضاءه يطلع كأن الجلد مشدود ولااامع .

ونصيحه بسيطه ,

* البودره اللامعه منها عدة درجات ,

- اللي على اللؤلؤي للبشره البيضاء الفاتحه ,

- على الموف للبشره البيضاء المائله للصفره ,

- على الذهبي للبشره الحنطيه أو البرونزيه أو السمراء بشكل عام ,

- على الفضيه لكل البشرات البيضاء سواء مائله للصفره أو الإحمرار .

تحياتي

^_*

مثل ما عودتينا أختي بنت ملوك بإبداعك ومواضيعك الحلووووة . .


وفكرة جديدة تثرين بها قسم الجمال . . نشكرك من الأعماق عليها . .


وربي يسلمك ع النصائح اللي قدمتيها لنا . . إن شاء الله الجميع يستفيد منها . .



لكن هل الموضوع من إنشائك أم منقول للأمانة ؟؟

الله يعافيك اختي ارجوان وللأمانه ناقلته
بس النصيحه انا الي كاتبتها

وهذي نصيحتي لكم . .


بسم الله وعلى بركة الله "

لحبوب الوجه أو البشرة الغير

صافية . .

خذي كسرة (مرة ) وغسليها

زين بعدين اغليها في شوي

موية

وإذا بردت حطيها بأي قارورة

وكل ما غسلتي وجهك أو

توضيتي امسحيه بقطنة من

هالخلطة وبإمكانك

تنقعين المرة في موية ورد

بدون غلي . . استمري عليها

وبعد شهر شوفي بشرتك

شلون صارت . .


ملاحظة " مو كل وجه تناسبة المرة يمكن تسبب لبعض الوجيه حساسية . .

يطلق مصطلح العين الجافة عندما لا تفرز هذه العين كمية كافية من الدموع. وقد يحدث ان يشعر الشخص بحرقة او لسع او حكة عند جفاف العين ويصحب ذلك ارهاق وتوتر في اعصاب العين.

واذا كان الشخص من مرتدي العدسات اللاصقة فمن المؤكد انها لن تكون مريحة نتيجة للجفاف.

ووفقاً للمكتبة الامريكية للصحة فإن توقف او قلة افراز العينين للدموع هو جزء من عملية تقدم السن. وقد ينتج جفاف العين عن اسباب اخرى مثل الزكام وتعاطي ادوية الحساسية والتعرض للشمس لفترات طويلة والاتربة والتدخين.

ولتقليل اعراض جفاف العين تقترح المكتبة استخدام قطرات الدموع الصناعية والمحافظة على رطوبة المنزل واراحة العين والرمش بشكل متكرر مع مراعاة التوقف عن التدخين والتعرض للتدخين السلبي

احب لغيرك ما تحب لنفسكـ

اخواتي العزيزات عضوات المنتدى
اكتب لكم وصفه طبيعيه ،،
انا استخدمها والاحلى ان كل مكوناتها من حياتنا يعني لا كيماويات ولا شي ،،
وتتلخص في هذي الخطوات ،،

المقادير ..
( من عند العطار )
1/ كثيره .
2/ سدر بودره .
3/ ريحان بوده .

( من مطبخك )
1/ بيضه وحده .
2/ شوي مويه .

الطريقه ...

اولاً : خوذي كميه من الكثيره وحطيها في زبديه وحطي عليها مويه حاره واتركيها في مكان بعيد عن الاطفال ،، لمده يوم.

في اليوم الثاني يعني من بكره ،، حطي في الخلاط الكهربائي بيضه والسدر اللي راح يتكون كتله مثل الجلي ،، ومويه شوي بس ،، واخلطيهم على بعض ،،

بعدها طلعيهم وحطي على الخليط السابق ملعقه كبيره ونصف سدر ،، وملعقه صغيره ريحان ،، واخلطيهم لحد مايتجانسون كلياً ،، بعدها حطيه على شعرك وركزي على جذور الشعر ومنابته ،، واتركيه لمده من 3 إلى 4 ساعات ،،

ولو زاد مابيضر شعرك انا اخليه بصراحه أكثر من اربع ساعات وعادي ،،
خفيف على الشعر وماتحسين فيه ،،

دعواتكم لي

الله يعطيك العافية ويجزاك خير بنوووته ع هالوصفة . .


‏"‏ " " " " " " "

جيبي ( أملج ) من عند العطار

ونظفيه زين بعدين اطحنيه وحطي

منه ملعقة بكاس وصبي عليها

مويه مغلية وغطيه واتركيه لين

يفتر بعدين دلكي شعرك بالمويه

واتركيه ساعتين ثم غسليه بشامبو

جونسون للأطفال وراح تلاحظين

الفرق من أول مرة .

لترطييب البشرة
روووب(زبادي)+ماي ورد.
واهم شي بالطبع شرررب الماااي

للبشره الجافه...

اذا كانت بشرتك من هذا النوع .. حاولي قبل المكياج انك ترطبيها باي كريم زي نيفيا مثلا...

عشان ما يظهرلك قشور على بشرتك..