لبيه للي قبل لاقول لبيه=افز له كلي شموخ ومهابه
الصدر منزاله والاشواق تلفيه=ماغيره اللي بالمحبه رقابه
مدام متربع بقلبي وراعيه=ماانلام لاطول عليّه غيابه
اسمه ثلاث حروف ومسجله فيه=وفيه القصايد مغرمات وتشابه
ابيع كل الناس بالحال واشريه=وافرح ليا زود عليه عتابه
يموت فيّ الحب وان عاد يحيه=ويشتاق له نزف القلم والكتابه
والقلب عرشٍ له من الناس حاميه=ماينزله مخلوق حتى القرابه
قربه عن العالم يسده و يغنيه=راع الدلع سهم الولع والرتابه
ليته سمع عنق المها يوم يدعيه=وليته يشوف الطيف كيف احتفابه
بعده رعابيب البني صعب تغريه=وبعده خفوقي مستهلن عذابه
اكتب قصيدي فيه ورد والغيه=اخاف ماترضي غروره وهابه
لو كل متمني تحقق امانيه=ماشفت في صدري للاحزان غابه