عسى الهون لأهل الهون والجودلأهل الجود=وعسى الله يعطي كل حيٍ على ظنّه
وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه
حشى ما يجدد لـك جروح الحشايا كود=اليا جت من الـلي ما توقعـتها منّه
تصبرت أخـاف من المشـاريه والمنقود=وأنا مؤمـنٍ وأصلي الفرض والسنّه
أقـدّر وأسامـح وأحسب نقصها والزود=الين يتـمادى بـ الخطأ راعي العنّه
وأحب الصميدع وأذخره فزعةالمضهود=وأداري عـليه من المنـاقـيد وأحنّه
وفعل الوفـا مني لـ راع الوفـامردود=ولاهـوب لـكني إليـا صار لـكنه
هواجيسي وشعري كـما الناروالبارود=ومن غير لا أعمّر من التـتن وأكنّه
على ما قسم ربي وجودي من الماجود=أحفر الصخر وأصخّـر القاف لين أنّه
يجـي سلسـبيلٍ حـاليٍ صافيٍ قرهود=ومثـل الجنـيهي في بريـقه وفي دنّه
وهبني جزيل المـدّ والفضـل للمعبود=ولا غير وهـاب الوهايـب لـه المنّه
على طول حبل المعـرفة حبلها ممدود=وعلى كـل فـن وكل فـنان لـه فنّه
أدور علـيها درب لو دربـها مسدود=وأدندن وأجـرّ الصوت وأطوّح الونّه
طموحي ولو دونه حنين ودويّ رعود=ولو صار مهـما صار ما عني وعنّه
لـ عين الهنوف الفارع أم العيون السود=وذيك الجـدايل والشفـاتين والبنّه

المشاركة الأصلية كتبت بواسطة أبن مصاول (المشاركة 300765) عسى الهون لأهل الهون والجودلأهل الجود=وعسى الله يعطي كل حيٍ على ظنّه وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه حشى ما يجدد لـك جروح الحشايا كود=اليا جت من الـلي ما توقعـتها منّه

إبيات قمة وشيلة رائعه جداً صح لسان شاعرها
والله يعطيك العافيه أخوي ابن مصاول نقل مميز وجميل جداً الله لا يضرك

المشاركة الأصلية كتبت بواسطة ابو العز (المشاركة 300769) يعطيك العافية أخوي أبن مصاول وبيض الله وجهك وتقبل مروري

المشاركة الأصلية كتبت بواسطة ملكة القوافي (المشاركة 300793) إبيات قمة وشيلة رائعه جداً صح لسان شاعرها والله يعطيك العافيه أخوي ابن مصاول نقل مميز وجميل جداً الله لا يضرك

عسى الهون لأهل الهون والجودلأهل الجود=وعسى الله يعطي كل حيٍ على ظنّه
وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه