عسى الهون لأهل الهون

عسى الهون لأهل الهون والجودلأهل الجود=وعسى الله يعطي كل حيٍ على ظنّه
وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه
حشى ما يجدد لـك جروح الحشايا كود=اليا جت من الـلي ما توقعـتها منّه
تصبرت أخـاف من المشـاريه والمنقود=وأنا مؤمـنٍ وأصلي الفرض والسنّه
أقـدّر وأسامـح وأحسب نقصها والزود=الين يتـمادى بـ الخطأ راعي العنّه
وأحب الصميدع وأذخره فزعةالمضهود=وأداري عـليه من المنـاقـيد وأحنّه
وفعل الوفـا مني لـ راع الوفـامردود=ولاهـوب لـكني إليـا صار لـكنه
هواجيسي وشعري كـما الناروالبارود=ومن غير لا أعمّر من التـتن وأكنّه
على ما قسم ربي وجودي من الماجود=أحفر الصخر وأصخّـر القاف لين أنّه
يجـي سلسـبيلٍ حـاليٍ صافيٍ قرهود=ومثـل الجنـيهي في بريـقه وفي دنّه
وهبني جزيل المـدّ والفضـل للمعبود=ولا غير وهـاب الوهايـب لـه المنّه
على طول حبل المعـرفة حبلها ممدود=وعلى كـل فـن وكل فـنان لـه فنّه
أدور علـيها درب لو دربـها مسدود=وأدندن وأجـرّ الصوت وأطوّح الونّه
طموحي ولو دونه حنين ودويّ رعود=ولو صار مهـما صار ما عني وعنّه
لـ عين الهنوف الفارع أم العيون السود=وذيك الجـدايل والشفـاتين والبنّه

أبن مصاول:

قصيدة يقال انها للمنشد عذب <<<<وهو مري

بس صراحة قمة في الكلمات والمعاني والأداء بصوت رائع لدرجة أن المستمع يطرب لهذا الصوت الخالي من النشاز وليس كما هو الوضع مع الدخلاء على الشيلات

يعطيك العافية أخوي أبن مصاول وبيض الله وجهك وتقبل مروري

المشاركة الأصلية كتبت بواسطة أبن مصاول

عسى الهون لأهل الهون والجودلأهل الجود=وعسى الله يعطي كل حيٍ على ظنّه
وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه
حشى ما يجدد لـك جروح الحشايا كود=اليا جت من الـلي ما توقعـتها منّه

إبيات قمة وشيلة رائعه جداً صح لسان شاعرها
والله يعطيك العافيه أخوي ابن مصاول نقل مميز وجميل جداً الله لا يضرك

المشاركة الأصلية كتبت بواسطة ابو العز

يعطيك العافية أخوي أبن مصاول وبيض الله وجهك وتقبل مروري

حياك يا ابو العز وسرني مرورك الجميل ووجهك أبيض

المشاركة الأصلية كتبت بواسطة ملكة القوافي

إبيات قمة وشيلة رائعه جداً صح لسان شاعرها

والله يعطيك العافيه أخوي ابن مصاول نقل مميز وجميل جداً الله لا يضرك

شكراً اختي المشرفة ملكة القوافي وصراحة انا طربان لهذه القصيدة ولصوت هذا المنشد الفنان بكل ما تحمله هذه الكلمة من معنى

بالنسبة للأبيات اللي يقول فيها:

عسى الهون لأهل الهون والجودلأهل الجود=وعسى الله يعطي كل حيٍ على ظنّه
وعسى أهل النوايا الباطـلة والقلوب السود=يعاقبـهم اللـه مـا يدخـلهم الجنّه

فهو يحكي واقع مرير تمر به المنتديات من بعض من أعطيناهم ثقتنا فقلبوا لنا ظهر المِجن للأسف وبدون أسباب واقعية...ولكن هم دائماً أصحاب القلوب السود

صح لسان الشاعر وشكرأ لك على النقل الرائع

تحيتتي

صح لسان شاعرها وشيله رائعه وتسلم ابوضيف الله على النقل الموفق لاهنت

ابداع
صوت جميل وكلمات اجمل
ولاهنت على النقل يابو ضيف الله

لاهنت يابن مصاول على النقل

ما شاء الله تبارك الرحمن .. الله يحفظه ويكفيه الشر صوت فعلا عذب .وأبيات جميلة جدا .

هذا المنشد هو خالد المري ( العذب ) اللي ينشد ياهيه لابن فطيس وهو الآن مشارك في مسابقة أعذب الأصوات وتم قبوله وانتقاله للمرحلة الثانية ,, اتمنى له التوفيق .


ألف شكر لك أخوي ابن مصاول .. وهذي الأمسية قد سمعتها ممتعة جدا ..