ترى من عاصر احـداث الليالـي = يشوف مـن العجايـب مايهولـه
يقولـه واحـدن جـرب زمانـه = وشيبه الزمـن عرضـه وطولـه
حياتـه كلهـا راحـت تجـارب = عثى فيه الزمـن واتعـب ذلولـه
زمانـن غيـر النـاس وتغـيـريشيب = اللي على سـن الطفولـه
لا يابن حمود شيب بـي زمانـي = أطالـع مطلعـه وانـزل نزولـه
واخذت بمركبـه روحـه وجيـه = وشاب الراس واذهلنـي ذهولـه
تساوت ياسعـد فيـه المذاهـب = زمانـن يرجـح بعدلـه ميولـه
اقولـه والزمـن درس وتجـارب = ولقيت الناس به يابـن الحمولـه
يحبون الرجل من حـب ماااالـه = ولاينحـب لاقــل محصـولـه
وبعض الاصحاب صحبتهم مصالح = ولا دار الدهـر واقفـن حجولـه
تغير وضع خـلان الرخـى بـه = وصفى صافي زمانـك ماصفولـه
وبعض الاصحاب يمدح لك جنابه = ولا سولف معك يمـدح افعولـه
يسخر لـك طحاطيـح الدواهـي = ويسن السيف ويسـرج خيولـه
يغرك هيكلـه واسمـه وجسمـه = اسـم رجـال وثيـاب الرجولـه
طوال اعراض ماكلن لبسها = اقوله والذكي مثلي يقولـه
وبعضهم وان هرج لك وسط مجلس = بنـا لـك فالسمـا نـادي بطولـه
ضعيفـن لايغشـك لـو تـهـرج = خفيفـن معدنـه يغريـك زولــه
وبعضهـم وان نظرتـه ماتحـبـه = علـى الطـالات ماعنـده ميولـه
والا منـك بخسـتـه ماشنيـتـه = وليا كفه عـن الطيـب امغسولـه
عزيز النفس مرفوع الكرامه = ولاجار الدهر وارخن حموله
يدقر دون مقصوده لسانـه = يجي ويروح مايقدر يقولـه
وكفى والحر تكفيـه الاشـاره = حكيم العرف مايجهل وصولـه
واقول الفرق فرق العود الازرق = ليـا منـك قرنتـه بمعمولـه
يقوله شاعر احساس ومشاعر = مطافيق النبط ماشجعولـه
بديت القول ونهايه كلامي = بذكر الله ومحمد رسولـه

صح لسان الشاعر هزاع المهلكي على هذه القصيده الرائعه


سلمت يمينك نزف المشاعر على النقل

المشاركة الأصلية كتبت بواسطة أبن مصاول (المشاركة 309882) صح لسان المنشد هزاع المهلكي ولا هنتي اختي نزف المشاعر على النقل هناك نواقص لفظية في الأبيات ربما ممن كتب القصيدة , كما ان هناك قوله: والا مـــنــــك بــخــســتــه مـاشـنــيــتــه ؟؟؟ إن كان يقصد كلمة (بخصته) فهنا أختلال في المعنى ولو قال : وإلا منك بخصته ما قنيته <<<هنا المعنى يستقيم اما أن كان يقصد البخس وهو التقليل من ثم السلعه فلا أرى هناك ترابط بينها وبين الكلمة بعدها !! قوله: وبعـض الاصحـاب صحبتهـم مصـالـح <<<<ثقل في الشطر وهو صدر البيت!! لو قال : وبعض الصحب , صحبتهم مصالح<<<ربما يستقيم الوزن مع الشكر لك على النقل للمبدع هزاع المهلكي والقصيدة جزلة ورائعة ولا يضرها مداخلتي

المشاركة الأصلية كتبت بواسطة الميزاني فهد (المشاركة 312309) نزف المشاعر قصيدهـ جميله تحمل الأبداع بأبيتها استمتعت بقرائتها وأشبعتني شعر صح اللسان شاعرها ويسلم لنا راسك وذائقتك الجميله ودي وعطر وردي

المشاركة الأصلية كتبت بواسطة عبدالله العوني (المشاركة 312374) صح لسان الشاعر والمنشد هزاع المهلكي الملقب بـ (سهم المنايا) ولاهنتي نزف المشاعر على نقل القصيده الرائعه وتقبلي مروري وودي

المشاركة الأصلية كتبت بواسطة مــزعــــــل الــشـــمري (المشاركة 312708) اشكر على النقل الف شكر لشخص تحياتي \الشمري