شاعر إحساس ومشاعر , هزاع المهلكي ,,

السلام عليكم ورحمة الله وبركاته "

ترى من عاصر احـداث الليالـي = يشوف مـن العجايـب مايهولـه
يقولـه واحـدن جـرب زمانـه = وشيبه الزمـن عرضـه وطولـه
حياتـه كلهـا راحـت تجـارب = عثى فيه الزمـن واتعـب ذلولـه
زمانـن غيـر النـاس وتغـيـريشيب = اللي على سـن الطفولـه
لا يابن حمود شيب بـي زمانـي = أطالـع مطلعـه وانـزل نزولـه
واخذت بمركبـه روحـه وجيـه = وشاب الراس واذهلنـي ذهولـه
تساوت ياسعـد فيـه المذاهـب = زمانـن يرجـح بعدلـه ميولـه
اقولـه والزمـن درس وتجـارب = ولقيت الناس به يابـن الحمولـه
يحبون الرجل من حـب ماااالـه = ولاينحـب لاقــل محصـولـه
وبعض الاصحاب صحبتهم مصالح = ولا دار الدهـر واقفـن حجولـه
تغير وضع خـلان الرخـى بـه = وصفى صافي زمانـك ماصفولـه
وبعض الاصحاب يمدح لك جنابه = ولا سولف معك يمـدح افعولـه
يسخر لـك طحاطيـح الدواهـي = ويسن السيف ويسـرج خيولـه
يغرك هيكلـه واسمـه وجسمـه = اسـم رجـال وثيـاب الرجولـه
طوال اعراض ماكلن لبسها = اقوله والذكي مثلي يقولـه
وبعضهم وان هرج لك وسط مجلس = بنـا لـك فالسمـا نـادي بطولـه
ضعيفـن لايغشـك لـو تـهـرج = خفيفـن معدنـه يغريـك زولــه
وبعضهـم وان نظرتـه ماتحـبـه = علـى الطـالات ماعنـده ميولـه
والا منـك بخسـتـه ماشنيـتـه = وليا كفه عـن الطيـب امغسولـه
عزيز النفس مرفوع الكرامه = ولاجار الدهر وارخن حموله
يدقر دون مقصوده لسانـه = يجي ويروح مايقدر يقولـه
وكفى والحر تكفيـه الاشـاره = حكيم العرف مايجهل وصولـه
واقول الفرق فرق العود الازرق = ليـا منـك قرنتـه بمعمولـه
يقوله شاعر احساس ومشاعر = مطافيق النبط ماشجعولـه
بديت القول ونهايه كلامي = بذكر الله ومحمد رسولـه

لــــ الشاعر والمنشد : هــــــــزاع المـــــــــهلـــــــكي

صح لسان الشاعر هزاع المهلكي على هذا النص الرائع
ولاهنتي نزف المشاعر

صح لسان الشاعر هزاع المهلكي على هذه القصيده الرائعه


سلمت يمينك نزف المشاعر على النقل

ولاهان من قال أخوي أبو راكان ..

الله يعطيك العافية ع المرور .. ألف شكر لك

صح لسان أخوي المبدع هزاع المهلكي
والف شكر لك أختي نزف المشاعر

صح بدنك أخوي ابن مشدد
ربي يسلمك . الروعة تواجدك
ألف شكر لك .

صح لسان الشاعر هزاع المهلكي على هذا النص الرائع
ولاهنتي نزف المشاعر
على النقل تحيتي

صح لسان المنشد هزاع المهلكي ولا هنتي اختي نزف المشاعر على النقل

هناك نواقص لفظية في الأبيات ربما ممن كتب القصيدة , كما ان هناك قوله:

والا مـــنــــك بــخــســتــه مـاشـنــيــتــه

؟؟؟ إن كان يقصد كلمة (بخصته) فهنا أختلال في المعنى

ولو قال : وإلا منك بخصته ما قنيته <<<هنا المعنى يستقيم

اما أن كان يقصد البخس وهو التقليل من ثم السلعه فلا أرى هناك ترابط بينها وبين الكلمة بعدها !!


قوله:


وبعـض الاصحـاب صحبتهـم مصـالـح <<<<ثقل في الشطر وهو صدر البيت!!


لو قال : وبعض الصحب , صحبتهم مصالح<<<ربما يستقيم الوزن


مع الشكر لك على النقل للمبدع هزاع المهلكي والقصيدة جزلة ورائعة ولا يضرها مداخلتي

صح لساااااااااان شاعرنا هزاع

لاهنتي اختي

صح بدنك ملكة القوافي ..

منورة بطلالتك البهية .