ابن مصاول الله لا يهينك ؟؟؟؟
 

بسم الله الرحمن الرحيم
ا
لسلام عليكم ورحمة الله وبركاته

سلام الله على ربعي وربعي طبعهم وافين
نيابة عن ضويفر من مطير ونارهم حية

ألا يابن مصاول هذي الليله عليك العين
تقدم واستلمها عبر الأقمار الصناعية

رد : ابن مصاول الله لا يهينك ؟؟؟؟
 

حياك اخوي فياض الطيب ومرحباً بك في منتديات الموازين وأستلم يا طويل العمر:

هلا يا مرحبا بك عد ما قالوا كلام زين
تحيه تاصلك يا بن ضويفر وترجع الجيه

واليا صارت عيونك عندنا ما ظننا شينين
اليا زان الفكر صبيت من ذيه على ذيه

رد : ابن مصاول الله لا يهينك ؟؟؟؟
 

أثر بنت الهوا شانت وتلعبلك على الحبلين
لقيناها مع الجاني بعد مرتك طرقية

ألا ياناس من يامن طعون السيف أبو حدين
بعد شفنا الجريح يون مابين الهواويه

رد : ابن مصاول الله لا يهينك ؟؟؟؟
 

أن والله ما حب اللي يشابه راعي البالين
أحب اللي يواجهني وهوه صافي النيه
أنا قلبي خضر ويحب دايم سيرة الحلوين

ولكني أدور دوم منهم نارهم حيه

رد : ابن مصاول الله لا يهينك ؟؟؟؟
 

ترى النيه مطيه لو يضيع الفكر بين أمرين
تراي أشملت يوم أنك تروح للجنوبيه

أنا بنشدك وش ردك بعد بانت لك الخدين
وصدت عنك يوم أنك دخلت أحلام ورديه

رد : ابن مصاول الله لا يهينك ؟؟؟؟
 

ابن مصاول


تصبح على ألف خير

لنا لقا بكرة ونواصل
الدوامات أشغلتنا

رد : ابن مصاول الله لا يهينك ؟؟؟؟
 

والله اني كنت أراسلك بالجوال وتعرف جوال نت رايح في خراطيشها وكنت أنا ورعاني في كورنيش الخبر وكل ما بغيت أدخل على النت قطع الله يقطع أذاني الأتصالات..وقد سعدت بمحاورتك ولك عندي بيتين

رد : ابن مصاول الله لا يهينك ؟؟؟؟
 

والله توي داخل الشقه من خمس دقائق..

وتصبح على خير

رد : ابن مصاول الله لا يهينك ؟؟؟؟
 

الله الله


ترى عند البدو مافيه من يمشي ورا المقفين
علامك صرت تلحقها مابين الشمس والفيه

تقوله وأنت عاشقها ولكن من قبل يومين
لقت من صابها سحره وصارت فيه مبليه

رد : ابن مصاول الله لا يهينك ؟؟؟؟
 

الله عليك يالشاعر

أنا داري من الأول من البارح ومن ذالحين
بأن اللي يطارد له سرابٍ يعدم الميه

ولكني أسلي النفس بالأحلام وذكر الزين
لعل الترف يشوف الحرف ويتذكرني يا عنيه :wavetowel2:


الميه=الماء

رد : ابن مصاول الله لا يهينك ؟؟؟؟
 

طيب طيب

أنا خابرك تفهم يوم بعض الناس بالتخمين
أنا بنصحك تتركها وتبحث لك عن بنيه

ألا ياصاحبي دجتوا وضعتوا بالزمان الشين
ليا جيت الخباره كيف تامن لدغة الحية

رد : ابن مصاول الله لا يهينك ؟؟؟؟
 

انا والله يالصاحب ما عاد أدري شمال يمين؟؟
ونصيحتكم أبا أخذها على مضمون جديه

وبالنسبه لضيعتنا ترى ما حنا بغادين
وترى الضيعه ألا يا صاحبي وسط السعوديه

رد : ابن مصاول الله لا يهينك ؟؟؟؟
 

المعذرة على التأخير

استلللللم

أنا مالعب على المكشوف ولا ودي العلوم تبين
ترى طبعي كذا والملعبه لا شك سريه

لك الله نيتي زانه تراكم عندنا غالين
أنا ماني من اللي هرجته لاجات ملويه


تشرفناااااا بمجاراتك

ابن مصاول

شكرااااااااا

رد : ابن مصاول الله لا يهينك ؟؟؟؟
 

لسا راجع من برا 2:00 صباحاً..

صح لسانك 1000 مره

صراحة يشرفني أن ألعب معك أخي وقد كنت شاعراً مجيداً جداً .

ولا هنت وكل وقت تريديني أعيدها عدتها ولكن على حسب ظرفي فأنا تلاقيني يوم موجود طول اليوم ويوم أكون موجود ولكن وجودي متقطع.

من يوم الأحد القادم سأكون موجود على النت من الصباح حتى الساعه الــ10:00 ليلاً وحتى السبت الذي يليه...

هذه الأيام يكون تواجدي متقطع فمرة صباح ومرة ظهر ومرة مساء لا يوجد لي وقت محدد واتابع المنتدى من الجوال ...


أخوك ابن مصاول

رد : ابن مصاول الله لا يهينك ؟؟؟؟
 

أن شاء الله

يابن مصاول

وصراحه أني ماطلبتك إلا أنا معجب بطرك الجميل

بس المرة الجايه عندك طال عمرك ههههههههه

رد: ابن مصاول الله لا يهينك ؟؟؟؟