ابن مصاول الله لا يهينك ؟؟؟؟

بسم الله الرحمن الرحيم
ا
لسلام عليكم ورحمة الله وبركاته

سلام الله على ربعي وربعي طبعهم وافين
نيابة عن ضويفر من مطير ونارهم حية

ألا يابن مصاول هذي الليله عليك العين
تقدم واستلمها عبر الأقمار الصناعية

حياك اخوي فياض الطيب ومرحباً بك في منتديات الموازين وأستلم يا طويل العمر:

هلا يا مرحبا بك عد ما قالوا كلام زين
تحيه تاصلك يا بن ضويفر وترجع الجيه

واليا صارت عيونك عندنا ما ظننا شينين
اليا زان الفكر صبيت من ذيه على ذيه

أثر بنت الهوا شانت وتلعبلك على الحبلين
لقيناها مع الجاني بعد مرتك طرقية

ألا ياناس من يامن طعون السيف أبو حدين
بعد شفنا الجريح يون مابين الهواويه

أن والله ما حب اللي يشابه راعي البالين
أحب اللي يواجهني وهوه صافي النيه
أنا قلبي خضر ويحب دايم سيرة الحلوين

ولكني أدور دوم منهم نارهم حيه

ترى النيه مطيه لو يضيع الفكر بين أمرين
تراي أشملت يوم أنك تروح للجنوبيه

أنا بنشدك وش ردك بعد بانت لك الخدين
وصدت عنك يوم أنك دخلت أحلام ورديه

ابن مصاول


تصبح على ألف خير

لنا لقا بكرة ونواصل
الدوامات أشغلتنا

والله اني كنت أراسلك بالجوال وتعرف جوال نت رايح في خراطيشها وكنت أنا ورعاني في كورنيش الخبر وكل ما بغيت أدخل على النت قطع الله يقطع أذاني الأتصالات..وقد سعدت بمحاورتك ولك عندي بيتين

الا عبها طرب واقول ألا ياليل ألا ياعين=وبيديني رسنها دايمن يا صاح مثنيه
أروضها وطوعها بأملاكي ماهو بالدين=وتغرقني حنان ودل وفيها زود حنيه

والله توي داخل الشقه من خمس دقائق..

وتصبح على خير

الله الله


ترى عند البدو مافيه من يمشي ورا المقفين
علامك صرت تلحقها مابين الشمس والفيه

تقوله وأنت عاشقها ولكن من قبل يومين
لقت من صابها سحره وصارت فيه مبليه

المشاركة الأصلية كتبت بواسطة فـياض الطـ ي ـب

الله الله


ترى عند البدو مافيه من يمشي ورا المقفين
علامك صرت تلحقها مابين الشمس والفيه

تقوله وأنت عاشقها ولكن من قبل يومين
لقت من صابها سحره وصارت فيه مبليه

الله عليك يالشاعر

أنا داري من الأول من البارح ومن ذالحين
بأن اللي يطارد له سرابٍ يعدم الميه

ولكني أسلي النفس بالأحلام وذكر الزين
لعل الترف يشوف الحرف ويتذكرني يا عنيه


الميه=الماء