منتديات الموازين الرسميه

منتديات الموازين الرسميه (http://www.almouazeen.com/index.php)
-   شــــعـــراء منتديات الــمــــوازين (http://www.almouazeen.com/forumdisplay.php?f=17)
-   -   شاعر إحساس ومشاعر , هزاع المهلكي ,, (http://www.almouazeen.com/showthread.php?t=29794)

نزف المشاعر 26 - 05 - 10 03:18 AM

شاعر إحساس ومشاعر , هزاع المهلكي ,,
 
السلام عليكم ورحمة الله وبركاته "






ترى من عاصر احـداث الليالـي = يشوف مـن العجايـب مايهولـه
يقولـه واحـدن جـرب زمانـه = وشيبه الزمـن عرضـه وطولـه
حياتـه كلهـا راحـت تجـارب = عثى فيه الزمـن واتعـب ذلولـه
زمانـن غيـر النـاس وتغـيـريشيب = اللي على سـن الطفولـه
لا يابن حمود شيب بـي زمانـي = أطالـع مطلعـه وانـزل نزولـه
واخذت بمركبـه روحـه وجيـه = وشاب الراس واذهلنـي ذهولـه
تساوت ياسعـد فيـه المذاهـب = زمانـن يرجـح بعدلـه ميولـه
اقولـه والزمـن درس وتجـارب = ولقيت الناس به يابـن الحمولـه
يحبون الرجل من حـب ماااالـه = ولاينحـب لاقــل محصـولـه
وبعض الاصحاب صحبتهم مصالح = ولا دار الدهـر واقفـن حجولـه
تغير وضع خـلان الرخـى بـه = وصفى صافي زمانـك ماصفولـه
وبعض الاصحاب يمدح لك جنابه = ولا سولف معك يمـدح افعولـه
يسخر لـك طحاطيـح الدواهـي = ويسن السيف ويسـرج خيولـه
يغرك هيكلـه واسمـه وجسمـه = اسـم رجـال وثيـاب الرجولـه
طوال اعراض ماكلن لبسها = اقوله والذكي مثلي يقولـه
وبعضهم وان هرج لك وسط مجلس = بنـا لـك فالسمـا نـادي بطولـه
ضعيفـن لايغشـك لـو تـهـرج = خفيفـن معدنـه يغريـك زولــه
وبعضهـم وان نظرتـه ماتحـبـه = علـى الطـالات ماعنـده ميولـه
والا منـك بخسـتـه ماشنيـتـه = وليا كفه عـن الطيـب امغسولـه
عزيز النفس مرفوع الكرامه = ولاجار الدهر وارخن حموله
يدقر دون مقصوده لسانـه = يجي ويروح مايقدر يقولـه
وكفى والحر تكفيـه الاشـاره = حكيم العرف مايجهل وصولـه
واقول الفرق فرق العود الازرق = ليـا منـك قرنتـه بمعمولـه
يقوله شاعر احساس ومشاعر = مطافيق النبط ماشجعولـه
بديت القول ونهايه كلامي = بذكر الله ومحمد رسولـه





لــــ الشاعر والمنشد : هــــــــزاع المـــــــــهلـــــــكي

أبو راكان 26 - 05 - 10 09:24 AM

رد: شاعر إحساس ومشاعر , هزاع المهلكي ,,
 
صح لسان الشاعر هزاع المهلكي على هذا النص الرائع
ولاهنتي نزف المشاعر

ابن مشدد 26 - 05 - 10 01:43 PM

رد: شاعر إحساس ومشاعر , هزاع المهلكي ,,
 
صح لسان الشاعر هزاع المهلكي على هذه القصيده الرائعه


سلمت يمينك نزف المشاعر على النقل

نزف المشاعر 26 - 05 - 10 04:57 PM

رد: شاعر إحساس ومشاعر , هزاع المهلكي ,,
 
ولاهان من قال أخوي أبو راكان ..

الله يعطيك العافية ع المرور .. ألف شكر لك

ملكة القوافي 26 - 05 - 10 05:19 PM

رد: شاعر إحساس ومشاعر , هزاع المهلكي ,,
 
صح لسان أخوي المبدع هزاع المهلكي
والف شكر لك أختي نزف المشاعر

نزف المشاعر 26 - 05 - 10 10:30 PM

رد: شاعر إحساس ومشاعر , هزاع المهلكي ,,
 
صح بدنك أخوي ابن مشدد
ربي يسلمك . الروعة تواجدك
ألف شكر لك .

مجري خضر 27 - 05 - 10 01:28 AM

رد: شاعر إحساس ومشاعر , هزاع المهلكي ,,
 
صح لسان الشاعر هزاع المهلكي على هذا النص الرائع
ولاهنتي نزف المشاعر
على النقل تحيتي

أبن مصاول 29 - 05 - 10 09:30 AM

رد: شاعر إحساس ومشاعر , هزاع المهلكي ,,
 
صح لسان المنشد هزاع المهلكي ولا هنتي اختي نزف المشاعر على النقل

هناك نواقص لفظية في الأبيات ربما ممن كتب القصيدة , كما ان هناك قوله:

والا مـــنــــك بــخــســتــه مـاشـنــيــتــه

؟؟؟ إن كان يقصد كلمة (بخصته) فهنا أختلال في المعنى

ولو قال : وإلا منك بخصته ما قنيته <<<هنا المعنى يستقيم

اما أن كان يقصد البخس وهو التقليل من ثم السلعه فلا أرى هناك ترابط بينها وبين الكلمة بعدها !!


قوله:


وبعـض الاصحـاب صحبتهـم مصـالـح <<<<ثقل في الشطر وهو صدر البيت!!


لو قال : وبعض الصحب , صحبتهم مصالح<<<ربما يستقيم الوزن


مع الشكر لك على النقل للمبدع هزاع المهلكي والقصيدة جزلة ورائعة ولا يضرها مداخلتي

ابن حسين 30 - 05 - 10 01:10 PM

رد: شاعر إحساس ومشاعر , هزاع المهلكي ,,
 
صح لساااااااااان شاعرنا هزاع

لاهنتي اختي

نزف المشاعر 31 - 05 - 10 03:02 PM

رد: شاعر إحساس ومشاعر , هزاع المهلكي ,,
 
صح بدنك ملكة القوافي ..

منورة بطلالتك البهية .


الساعة الآن 02:56 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها