|
وش افطرت
السلام عليكم ورحمة الله وبركاته
كل عام وانتم بخير الحمدلله على نعمة العافيه وكثرة الخير والارزاق عندي موضوع ابي اطرحه في المنتدى _ يمكن _ انه يساعدنا على _ تنويع _ فطورنا وسحورنا ويمكن اننا ننتبه للآكل الصحي فالحمدلله مامن جوع ولاضما ياربي لك الحمد المطلوب من الاعضاء ذكر الاصناف اللي تتناولها في فطورك وسحورك في رمضان والهدف كما قلنا سابقاً تنويع المائدة والاهتمام بالآكل المفيد والصحي سننتظركم وسوف أبدء بنفسي |
رد: وش افطرت
اولاً
بسم الله ذهب الظمأ وابتلت العروق وثبت الأجر إنشاء الله تعالى بديت بالتمر والخواضه ثم فنجال قهوة كبير الحجم (( كبر الطاسه )) ثم شوية لقيمات على سنبوسه لحم وجبن على عصير فمتو بارد ثم عقب الصلاة فنجال قهوة ثم عدنا لتربع على السفرة وبدينا بالشوربة والمكرونيه ثم شاهي نعناع وعقبها الزقارة ((( ومسوي فيها اكل صحي ))) اما سحورنا فامثل كل سنة كبسة رز ولحم حاشي وكوب لبن ثم بعدها بربع ساعه براد شاهي ... الحمدلله على الانعام هل اكلنا صحي يالربع !!!! |
رد: وش افطرت
موضوع جميل يا أبو عابد يا ولد عون المبدع ....شوف يا ذيبان اخوك أبوضيف الله وبما انه بعيد عن الأهل والأحباب فهو يقضي اول أيام رمضان في العمل 100% حتى 10 رمضان ...
واليوم فطوري كالآتي .. تمر وسمبوسه ولقيمات وشوربه وهريسه على كيف كيفكم ومكرونه بالباشمل وبعدين الصلاة ومن ثم نرجع على القهوه وهات يا تقهوي وشرب شاي وبعدها الحلا .... ومن ثم اخذ فترة حوالي ساعتين راحه ومن ثم الذهاب لمطعم السكن واخذ العشاء اللي هو أصلاً السحور وهو عبارة عن رز بلحم مع ماكرونة بالباشمل وحبتين لبن من أبو ريال وبعدها نوم حتى صلاة الفجر وطريقتي هذه اتبعها في العمل فقط ولا هي بصحيه ومع جنبها بس وش نسوي كل حياتنا هنا ملخبطه وجداولنا اليوميه رايحه فيها أبن مصاول |
رد: وش افطرت
اما عن نفسي ..
فطوري تمر مع لبنة ثم تقهوي ثم ذهاب لتأدية صلاة المغرب مع الجماعة .. ثم اكل شوية فطائر مع سبموسة ولقيمات ثم اشاهد طاش ماطاش ثم شرب شاهي وبعدها شرب شوربة ثم شاهي ثم خروج لصلاة التراويح واما السحور فاكالعادة ... كبسة وشكرا على الموضوع يابن عون |
رد: وش افطرت
اشكرك اخوي ولد عون على هذا الموضوع الجميل. فطوري اليوم تمر سكري مع زبادي وهات من شرب القهوه وشوية سمبوسه مع فطيره كاس عرق سوس اذهاب انا وابنائي الى المسجد لأداء صلاة المغرب اطلع لصطح اخذ شويت هواء! انزل ونا دايخ يالله يعدل راسي بريق صغير شاي ربيع. انصلي صلاة العشاء والتراويح . نرجع للبيت واخذ شوية شوربه على الخفيف. اطلع لديوانية الطويل واخوانه. وسوالف وش سويتو جديدكم هههههههه.ونتعشاء . ارجع للبيت الساعه اثنين ونام لساعه الرابعه وقوم ونتسحر ونصلي ونوم بعدها لين الدوام الساعة العاشره صباحا. اما اليوم ماشفت الفطور زين طافي الكهرب مأدري وش أكلت لخبطه.. |
رد: وش افطرت
الله يسلمك أنا أول شئ ابدا فيه
أكيد التمر والقهوه وعصير فيمتو ولقيميات بالعسل يحبها قلبك وإذا معها قشطه ياسلام وطبعا السمبوسه <<<ماخليت شئ لعقب الصلاه ههههه وبعد صلاة المغرب شوربه ومكرونه أو كبسة رز وجريش وعقبها أي نوع حلا يعني مره كنافه ومره مهلبيه وأم علي واللي يطري على بالك هو أكيد مو فطور صحي لكني متعود على كذا وأنا أعرف أنه المفروض بعد آذان المغرب الصايم يفطر على شئ خفيف لأن المعده ماتتحمل كميات كبيره من الأكل دفعه وحده بعد فتره من التوقف عن الأكل لكن الشكوى لله أبو طبيع مايجوز عن طبعه تقبل مروري |
رد: وش افطرت
اخواني الاعزاء
ابن مصاول الفارس الطويل فطور هنيئ وبالعافية والله يتقبل منا الصيامه ويعينا على قيامه اخوكم عبدالله |
رد: وش افطرت
هههههههههههه
ماشاء الله عليك اخوي عساف ماخليت شي الله لايضرك بس على ذكر هالاصناف شكلي ابعجل بالسحور هههههه تحياتي لك |
رد: وش افطرت
ســــــــــــــلام عليكم
انا نظامي مثلكـم لا فـــــرق ابـــــــــد ســــفــره مـيـــزانــيـــه معـتــاااااده |
رد: وش افطرت
حيالله اخوي راس الضلع
بالعافيه ان شاء الله |
| الساعة الآن 09:54 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
