أبغى الوفا يسكن عيونالغواني
وأظنها حلم البحر فالعذوبه
وأبغى الزمن يوقف قطار الثواني
وأظنها حلم الجبل في هروبه
وان رحت للواقع لقيت الاماني
حريمةٍ منها وحدها عقوبه
أطول سفر ما سافرته السواني
وأقصر هدف ما تقطع الارض صوبه
وكان التثني يرخص الخيزراني
فالسيف يكره والعصي محبوبه
وأغلا بشر من غاب عني وجاني
وأحب ذنب اللي حصل منه توبه
انسان واجمل ما احمله من معاني
في زورق الاحلام معنى العروبه
وابن العرب فالبرد لو هو يعاني
يعطيك جلده عقب ما اعطاك ثوبه
وان كان عندك شك خلك مكاني
ما قول عمرك كله أقول نوبه
لمصافح الطيب نمد اليماني
قبل اتوجه له مشتي دروبه
وأرفع مقامي عن مقام الهداني
ما عطيه وجهي لاعطاني جنوبه
م...........................ش