ألا ياغزالٍ لك بقلب العنا تذكار=ليا غبت عن عيني ماغير آتذكّرها
أشوفك بعيني في الدقيقه ثلاث امرار=على صورةٍ مامثلها وآتصوّرها
تحيّرت بين الشيل والحط في الآفكار=تعذّرتها ألا وحّده ماتعذّرها
تعذّرت غير اللي موافق على المشوار=تخيّرتها واجب عليّ آتخيّرها
أبا لي هنوفٍ دونها يتعب الفكسار=مع الصبح سارح والديار آتنهّرها
ليا قام صدره يصطلي مثل ضوء النار=من أيمن قزوزه في المكينه إليا ايسرها
صفا الجوّ قدمه مايحجْب الطريق غبار=عن الشمس مقفي مانبيه يتنحّرها
ليا شفت لي زامي جبل كنّه المسمار=وغيره جبالٍ من وراه آتخطّرها
وصلت لحراوي جاذب الشعر والشعّار=بيوت القصائد من على القلب آصخّرها
ليا شفتها بالعين ماقلّد التجّار=ماقلّد إتجار المملكه كنّي أتجرها
أنافس بها السبّاح وأنافس الطيّار=وأنافس تجار الناس لو إنّي أفقرها
وأنافس بها الحقرات والحفل والمزمار=وأماري بها في كل حفلة بمظهرها
عليها جمالٍ مايوصّف وحفظ أسرار=ألا ياغناتي في حياتي وجوهرها
ويانور حيٍّ فيه لو تطفي الآنوار=يكفّي عن اللمبات لو يطفي أكثرها