ألأا واوجودي وجد من داخلي وأقصاي || منصور الدرين

السلام عليكم ورحمة الله وبركاته
هذه قصيده متواضعه إهداء إليكم وعسى أن تنال على الرضا

وهي رسالة إلى الطيبين

أقول فيها

ألاواوجودي وجد من داخلي واقصـاي=وجود الغريب اللي لـه ديـار جاهلهـا

وجودي على اللي في جماله وصل للهاي=وصل مرتبه في الزين محد بواصلهـا

غزال رمى قلبي وصابه كمـا الرمـاي=عروق الحياة اللي على القلـب ينتلهـا

تذكرت يومه حط يمنـاه فـي يمنـاي=وعاهـدنـي ان طبوعـنـا مايبدلـهـا

وخفف من اهمومي وزانت معي دنيـاي=وصارت همومي من على الراس شايلها

وفي هالزمان رسالتي ضمنها شكـواي=تعبر عـن الدنيـا وكثـرت مشاكلهـا

وهي مرسله للطيبين ورجـال الـراي=ولاقصدي أبغـى شـي ليـه مقابلهـا

أشوف العرب هاذاك بايـع وذا شـراي=وكلـن يجيـب دعايـتـه ويتناقلـهـا

وانا ماستمع في كل كلمه مـن الحكـاي=سموعي عن هـروج السفاهيـن أقفلهـا

للاونّه حكى ليه حكى في بعـد اقفـاي=على الناس همـه كلمتـه كيـف ينقلهـا

رقيت الجبا ل اللي صعيبه على الرقاي=ترى الصقر قدم البوم عيب(ن) مقابلهـا

قصدت الرجال اللي معي فاهمه دعوا=.رجال(ن) كرام زحول بيض(ن) فعايلها

سمان الهروج الطيبه كاسبين رضـاي=اليا رخصة الهرجـه عليهـا تجاهلهـا

ألا يـاردي الرابعـه طالبـك فرقـاي=وعود وتلقـى نـاس مثلـك تحصلهـا

والا ياطبيب النفس ياللـي عليـك دواي=ترى في سبيل ارضاك الأرواح نبذلهـا

عسى الله يقدرني على مايـدل اخطـاي=وهـذي قصيـده قلتهـا قبـل اكملهـا

وسلامتكم ...

وفي هالزمان رسالتي ضمنها شكواي

تعبر عن الدنيا وكثرت مشاكلها

وهي مرسله للطيبين ورجال الراي

ولاقصدي أبغى شي ليه مقابلها

اخوي منصور الدريني
صح لسانك على هالقصيده الجزله والوافيه منك فهي فعلا قصيده شامخه
ومن رجل كفو اعجبتني كثيرا
دمت بخير

صح لسانك يامنصور الدرين على هالقصيده الجزله والطيبه


يعطيك الف عافيه وبيض الله وجهك ... وبنتظار كل جديد منك

والا ياطبيب النفس ياللي عليك دواي
......... ترى في سبيل ارضاك الأرواح نبذلها
عسى الله يقدرني على مايدل اخطاي
.......... وهذي قصيده قلتها قبل اكملها


لا والله قصيدة كاملة وكل ما يجي من ابن العم منصور كامل والكامل وجه الله
صح لسانك يالجزل ..
ولاتحرمنا من جديدك ..

صح لسانك اخوي منصور الدرين على هالشامخه
وبيض الله وجهك وانشاء الله كل اللي معك فيهم
خير تقبل تحياتي

صح لسانك يامنصور على هذه القصيده ...الشامخه ...تقبل مروري

المشاركة الأصلية كتبت بواسطة منصور الدرين

أشوف العرب هاذاك بايـع وذا شـراي=وكلـن يجيـب دعايـتـه ويتناقلـهـا
وانا ماستمع في كل كلمه مـن الحكـاي=سموعي عن هـروج السفاهيـن أقفلهـا

صح لسانك أخوي منصور الدرين ودام إبداعك

المشاركة الأصلية كتبت بواسطة ساكب الحرف

وفي هالزمان رسالتي ضمنها شكواي

تعبر عن الدنيا وكثرت مشاكلها

وهي مرسله للطيبين ورجال الراي

ولاقصدي أبغى شي ليه مقابلها

اخوي منصور الدريني
صح لسانك على هالقصيده الجزله والوافيه منك فهي فعلا قصيده شامخه
ومن رجل كفو اعجبتني كثيرا
دمت بخير

ماعليكم زود ياساكب الحرف

صح بدنك وثنائك وإعجابك بما كتبت دليل جمال ذائقتك

والله يجمعنا على الطيب والعلوم الغانمه

المشاركة الأصلية كتبت بواسطة مواعيـ سراب ـدك

صح لسانك يامنصور الدرين على هالقصيده الجزله والطيبه


يعطيك الف عافيه وبيض الله وجهك ... وبنتظار كل جديد منك

يامرحبا يامواعيد سراب

صح بدنك يالغالي

ولاهنت على التواجد والحضور المشرف

إحترامي

صح لسااانك منصور

قصيده وافيه لاهنت

تحيتي