المشكله لا بليت بشخـص متهـور
ويعد نفسه من زحـول الرياجيلـي
في كل حزه يجيك بشكل متطـور
يبا الرجاله ولا حصل محاصيلـي
يعد نفسه شجيـع وطيبـه مـزور
مشبهه غير فـي صوايـة الليلـي
مشلول عقله وادخل خطن مـدور
يوصل الهـرج ويحلـل تحاليلـي
دايم يلف المجالس قصـده يـدور
يفرح مع الهرج والنمات والقيلـي
طبيعته والطبيعـه طبعـه مجـور
لاهو بعاقل ولا حساب المهابيلـي
وليا نصحته عن دروب الردى كور
يعـد ذم البشـر مـزح وتعاليلـي
وأحيان يلقب وصبح صوته مغـور
يوعض الناس ويجيب التفاصيلـي
من لايعرفه يقول الشيـخ متنـور
متعمقن فـي كتـاب الله بداليلـي
وليا لقالـه جماعـه بينهـم ثـور
يصنع له أكذاب ويمثـل تماثيلـي
يمشي بعلم الردى والكذب ويصور
يحمل شاهدت منافق علم تضليلـي
لو الحكومه عليـه ومثلـه تسـور
تحط سورن مثل حاجز اسرائيلـي
يعطى طعامه ورى الشباك ويخور
ولا يضهرونه لو دموعه هماليلـي
خله عسى الضغط عنده اتش ويفور
وتموت من حسرتك يبارد الحيلـي
قصيدة الشاعر/هزاع بن هايف البديري :ابن شاعر غطفان