الربيع مناي والفكسار شفي
وسجه الاقدام من ديرة لديرة
وإن مشيت مع الحزوم اللي تهف
ماحسدت اللي قصوره مستديرة
ذاك لو هو عايش حسب متوفي
من تلفزيونه ليا غرفه سريره
وان طلع فالشارع يدور ويلف
وفيده زقارته زايد عصيره
مادرا ان العمر فالدنيا مقفي
والعمر لو طالت ايامه قصيره
ماحلا قدام المطر نقعه يجفي
من طرف ساحوق نشمل لاسميراء
وللهبوب اللي دفينها تدفي
والرعد يرعد وعم الارض خيره
وشوفه الروض وغديره الماء يكفي
والنفل بعد المطر يجذب عبيره
ذاموناي وكله يافهيد شفي
سجه الاقدام من ديره لديره
شاعر الغربة شبل الميزاني