لشيخ الطنايا قصيدة شبل الميزاني

سر ياقلم واكتب لشيخ الطنايا=سلام احلى من حليب المباكير
شمر هل الرده سهوم المنايا=اهل السيوف اللي تهزم الطوابير
ابشتكي للشمري من عنايا=لليلي سهر كله هموم وتفاكير
ياشيخ شمر ماباقي لي بقايا=ابغاك تفزع ماتفيد المعاذير
غابت نجومي واختفت من سمايا=وحالي خطيرة تالي الوقت يامير
يالشمري فراقك زين الحلايا=القلب شبت به سواه الدوافير
فارقتها بالغصب ماهو هوايا=غصب علينا فرقتنا المقادير
بكت من الفرقا وانا اخفي بكايا=ودموع عيني فوق خدي معابير
قالت معك خل الصور والهدايا=ذكراي تبقى معك وموفقٍ خير
واقفيت واقفت مع وساع النحايا=وبقى الغلا له داخل القلب تأثير
وشوقي لها سوى بالقلب سوايا=والذكريات تفجر القلب تفجير
وبها طول وطول شقايا=ومن بعدها مدري بعد كيف اباصير
واخفيت مابي لين بين خفايا=وكتبت عن وضعي وعبرت تعبير
وتم الكلام اللي كتبته علايا=وللشمري مرسول من شاعر امطير

شاعر الغربة شبل عصيم الميزاني

يعطيك الف عافيه
تقديري لك

صح لسان شاعرها

الله يعافيك اخوي ع النقل

صح لسان الشاعر شبل بن عصيم

صح لسان شبل عصيم
ومشكور ياخوي فهيد الشمري على نقل القصيده
ولكن لي ملاحظه على بعض الابيات
* يالشمري فراقـك زيـن الحلايـا
* وشوقي لها سوى بالقلب سوايـا
* وبهـا طـول وطــول شقـايـا


يمكن يكون خطأ مطبعي
.

صح لسان الشاعر

ويعطيك الف عافيه اخوي على نقلك

صح لسان شاعر الغربة الشاعر شبل عصيم الميزاني على القصيدة الجزلة

الله يعطيك العافية أخوي فهيد الشمري على النقل المميز