في ليلة العيد يوم الناس ملتمّــــــه = وكلٍ عيونه تشوف عيون مضنونه

انا حزين الفؤاد وتايه اليمـــــــــّه = وربيع قلبي يحول البعــــد من دونه

حاولت اطالع دياره والتفت يمــه = ودي بشوفه وفيه النفس مفـــــتونه

وحداني البعد عنه وضاعت الهمه = وحسيت طعم الفراق اللي يقولونه

وعاتبت نفسي يانفسي ليش مهتمه؟ = والهم دايم علينا يعزف لحــــــونه

تصبري واصبري لين آرد الجمه = واشرب من الما الزلال بطعمه ولونه

ثم جاوبتني وقالت خاين الذمـــــه = يخون عهده وناسه مايهمــــــــونه

والا انت طعم الهوا ممزوج في دمه = وامانتك من قديم الوقت مصيــــونه

وجاوبتها واعذاب القلب واهمـــه = ترا العهد ما نحب اللي يخـــــونونه

لكن حالي من الاحباب منسمّــــه = وانا جريح الفراق اللي يسمــــونه

وصويحبي وسط قلبي حط له قمه = والله ما انساه لو الموت ينســــــونه

والا زيود اليمن تصبر عن الشمه = والا ان صدام للسلطــــــه يردونه