السلام عليكم ورحمة الله وبركاتة...
هذي سالفة علمني فيها واحد من خويااي والله يوم سمعتها ماقاومت من الضحك ...
(( يقولي ولد عمه خبل ماهو صاحي يعني عليه حركات على غير سنع بس انه ميت قلب الامور كلها سهالات عادي بكل شي ...
والثاني خبل بس جبان ويخاف حتى من ظله ..
المهم اللي قلبه ميت قال للخواف تخاويني قال وين قال مشوارمعي اغراض بوصلها قاله لالا مشغول قال يارجال قوم الشرهه على اللي يشاورك ماعندك من الشغل حااجه قم بس قم ..
المهم من لحظة ركوب السيارة والخواف ابلش خويه وين رايحيين وليه ومتى نرجع وشعندك...الخ
واللي قلبه ميت مطنش ولا يرد عليه المهم وصلوا لي طريق مظلم مافيه اناره للطريق الخواف طبعا حاله لايسر عدو ولا صديق ابلش خويه ياامسلم ارجع وشلي مسرينا تالي الليل لو انا في مجلسنا ...الخ
طبعا سيارتهم شفر صالون موديل 1990
الحاصل وهم يمشون بالطريق شافولهم زول رجال على طرف ليت السيارة من بعيد !!!
قال الخواف لخويه انت تشوف اللي اشوفه قال ايه وش فيه قال لاحولنا ديره ولا حولنا سيارة ولا محطه وشلي جايب هالرجال فالمقطعه هذي؟؟؟
قال يارجال عين خير ونبي نوقف عنده يمكن متعطل ولا شي قال الخواف لالالا توقف تكفى!
قال ليه قال انت ماسمعت اللي يقولون عنه زول رجال ورجوله رجول حمار( اجلكم الله) قال الا سمعت قال بس هذا اهو تكفى فكنا منه قال لالالا اصبر ونبي نشوفه قال خلاص نزل الجام نص لاتنزلها كلها
المهم وقفوا للرجال وسالوه قالوله خير انشالله اي خدمه حاجه قال تكفون يالنشاما المحطه الجاي يالربع لااهنتوا قالوله ابشر تفضل اركب...
فك الباب وصكه وحركوا المهم الخواف في بطنه بلى وده يطمن بدى يساله عسى ماشر ياخوي مارد عليه!!! قاله سيارتك وينها متعطله ولا شي مارد عليه !!! قال ياخوي المحطه بعيده مارد عليه !!!!
استغرب الخواف مايرد ولا في صوت ولا ش التفت ورى ماشاف شي ظلمه قال لخوي فك اليت الداخلي فكه ويلتفت ورى ولا المكان فاضي قال الخواف لخوي شفت ماقلتلك انه جني حسبي يالله عليك وعلى خوتك انا وين الله جابني لك وبدى يقرا من القران ويذكر الله وقال الي قلبه ميت لازم ارجعله مايصير الرجال راكب معنا بتاكد وينه فيه قال لا يابن الحلال هذا جني وفكنا من شره قال يارجال اصب بس !!!
رجعوا لمحله ولا هذا هو واقف قالوله ياخوي حنا نبي نسالك انت انس ولا جن!!!! قال لا والله الا انس بس اناا ابسالكم انتوا صاحيين ولا مهبل!!!!
قالوا لا والله الا صاحين بس ليه هالسؤال قال انا فتحت الباب لقيت اغراضكم فوق بعض مسكره الباب صكيت قلت بروح للباب الثاني وانتوا على طول مشيتواا!!!!!!!!!! ههههههههههههههههههههههههههههههههههههههههه
اتمنى انها تنال على اعجابكم
منقول