لا تامن العقرب ولا تامن الداب(قصيدة ملئت بالحكم)

لا..تامن العقـرب ولاتامـن الـداب,,,,,السمّ واحـد لا..رقـا فـي متونـك

أن زان لك وقتك تخير بـالأـصحاب =وان شـان وقتـك كلهـم مايبـونـك
أن جيتهم قامـو يحـدّون الأنيـاب=وان رحت عنهـم بالقفـا يشذبونـك
لا..دبّـرت دنيـاك والحـظّ ماطـاب =الناس لا..مـن طحـت مايرحمونـك
أهل السيوف اللي يقصّون الأرقاب=أمّـا كفاهـم واقـعـك يظلمـونـك
لا..تامن العقـرب ولاتامـن الـداب=السمّ واحـد لا..رقـا فـي متونـك
ياجاهل الدنيـا ودورات الأسبـاب=أعرف ترى من خان غيرك يخونـك
لو كان لك ربع(ن) موالين واحبـاب=لابدّهـم عقـب الـغـلا ينكـرونـك
وقت(ن) يشيّـب بالمخاليـق ماشـاب=أسأل رجـال(ن) جرّبـو يخبرونـك
(واحذر تخاوي كـل هافـي وكـذّاب= أهـل الـردى بطبوعهـم يطبعونـك
أرفع مقامك عن ردييـن الأ نسـاب=لو شفتهم فـي حضرتـك يمدحونـك
فارق ثراهم وارق في راس مرقـاب=أبعد عن اللـي لونهـم غيـر لونـك
خلاّن مـال ومالهـم ربـع واقـراب=لاقـلّ مالـك عـدّهـم يكرهـونـك
أعتاض فيهم من طويليـن الأشنـاب=اللـي الـى مـال الدهـر ينفعونـك
لاصكتـك دنـيـاك وافـتـرّ دولاب=بانـت مواقفـهـم ولا يرخصـونـك
هذا رفيقـك مـن قريبيـن واجنـاب=ذخرك وهم في واجبـك يذخرونـك
عندك قريبين (ن) ولو قلـت غيّـاب=على صدى صوت النـدى ياصلونـك
ياللي سمعـت العلـم لاتفتـح البـاب=لاتنحشر في شـي ماهـوب شونـك
ربعك ألى من شفتهم صارو احـزاب=وتشـاورو بالـراي والعلـم دونـك
لاتبدي برايـك عليهـم ولـو صـاب=لو صحت باعلى الصوت مايسمعونك
ومن لاحسبّلك لاتسـوي لـه حسـاب=لو كان يسوى وحدة(ن) مـن عيونـك

الشاعر زابن بن محمد الدوسري

لا..تامن العقـرب ولاتامـن الـدابالسمّ واحـد لا..رقـا فـي متونـك
ياجاهـل الدنيـا ودورات الأسبـابأعرف ترى من خان غيرك يخونـك


صح لسان الدوسري وبيض الله وجهه على هالابيات الجزله

ويعطيك الف عافيه ا بن مصاول على نقلها ماقصرت

ربعـك ألـى مـن شفتهـم صـارو احــزاب
وتــشـــاورو بــالـــراي والــعــلــم دونــــــك
لاتـبــدي بـرايــك علـيـهـم ولــــو صــــاب
لو صحت باعلى الصوت مايسمعونك
ومــن لاحسبّـلـك لاتـسـوي لــه حـسـاب
لو كـان يسـوى وحـدة(ن) مـن عيونـك

صح لسان زابن الدوسري
وأنتقئ رائع وقصيدة كلها حكم
الله يعطيك العافيه على النقل المميز دائماً أخوي ابن مصاول

يعطيك الف عافيه

تقديري لك

صح لسان القايل واشكرك اخوي ابن مصاول على النقل الرائع

صح لسان الشاعر الدوسري
الله يعطيك العافيه على الانتقاء المميز للقصيده,,

يعطيك العافية

أشكركم جميعاً على المرور ولا هنتوا

(واحذر تخاوي كل هافـي وكـذّاب أهل الـردى بطبوعهـم يطبعونـك
أرفع مقامك عن ردييـن الأ نسـاب لو شفتهم في حضرتـك يمدحونـك

الله يعطيك العافيييييييه على هالقصيده
صح لسآن من قآلهآ ولآهنت على آلنقل المميز00

تقبل مروري

اعرف ترى من خان غيرك يخونك ياااسلاااااام

سلم ذوقك على انتقاء هذه الشامخه

وصح لسان الدوسري