الحمد لله بسلامة نائب الأمن الأمين=والشكر لك يامن حميته يوم الأرهابي نواه
الحق واضح متضح يالشعب بين المسلمين=وفعل انحراف الفكر والتدمير كل واحد يراه
بي حق تقتل نفس فالأسلام يالقلب المدين=ارحم بما فالأرض يرحمك الله وتكسب رضاه
ماهوصحيح الي يسوونه ترى يامؤمنين=ناس بدون اعقول تمشي مير كلاً له جزاه
الدين ماهو لعبةً بيدينكم يامفسدين=الدين له احكام وادله وله سيف ايحماه
ولا الوطن مبني على دين الشريعه واثقين=في ظل حكاماً تحج البيت واتصلي الصلاه
اخوان نورة حاكمين الدار والقاسي يلين=ال السعود اهل الشيم سقم العدو في معتداه
اعيال عوداً من قديم الوقت ناساً كاسبين=اهل الوفاء والخير كل واحد نحبه من نقاه
وسلامتك يامحمد ابن الحر يالجنب المتين=ياشبل نايف نحمد الله يوم عن وجهك جلاه
واختامه مني لبو متعب تحيه باليمين=العاهل الي كل شعبه زاد حبه من غلاه