الشاعر محمدماجدالميزاني(يتحاور)لشاعردخيل الله فاطم الميموني

السلام عليكم ورحمة الله وبركاته
محاورتي مع الشاعر الجزل ((((دخيل الله بن فاطم الميموني))))

للمعلوميه انها محاورتين

الاولى لايحضرني الا بعض البيوت وردها اما الثانيه على بيتين ولا تحضرني كامله

محمد الميزاني

دامك تحبك ابحور صعبه يادخيل الله الصعب=رد الردود لشاعراً له فالمحاور والنبط

دخيل الله الميموني

الشعر يامحمد بحر والبحر مرجان وشعب=نبا نغوص وثق بأن الحال لازم ينظبط

محمد الميزاني

ياحي بيتك يابن فاطم مانحبك غير بتعب=والحال ضبظه مثل مسماراً وصامولة ربط

دخيل الله الميموني

لازم تلاعب في حروف الشعر يامحمد لعب=حتى ليا شفت العبيط تعلمه كيف العبط

محمد الميزاني

هذا ليا طاع الزمن مال العبيط الا الكعب=ولا سواتك يابن ميمون اتحداك ان زبط

دخيل الله الميموني

متى نشوفك فوق هام السحب وتثير الرعب=بقلوب صلفات الطيور انكان صقر اوكان بط

محمد الميزاني

متى مقام الحظ تابا تشوف ويشوف الشعب=ومن بين حمران النواضر بالعزايم مرتبط

دخيل الله الميموني

عسا المطر يسقي ديار امطير من ضلع لدعب=واصل ولا تحسب حساب اللي ليا رفرف خبط

[CENTER]المحاورة الاخرى من بيتين [/CENTER

محمدالميزاني

مرحبا بالشاعر الي ماحسبنا احسابه=انبغاها جد ولا مزح جاته جاته
ما ملكت البيت حتى انك تشد اطنابه=ما ملكه الا ولد ماجد بعد سجاته

دخيل الله الميموني

البقا يالشاعر الي يوم ربي جابه=اتفائل فيه واحب استمع لبياته
لو انا شاعر بسيط اسأل عنه واشقابه=وهو يهاجمني وانا مقدر على هجماته

محمدالميزاني

قوم زك المال يالشاعر وعد انصابه=لاتزعلني يابن فاطم واطش اثباته
ليه ماترقى الجبل يوم الجبل بذيابه=وانت موهوباً ولك قدره على وقفاته

دخيل الله الميموني

كيف اعد المال وانا ما معي حسابه=وكل ماجت فرصه اخشى نضرت الشماته
ذا منول لكن اليوم اكتبه بكتابه=وكل حرفن عارفن حسناته وسياته

محمد الميزاني

ابشر انك تا تأهل فالجبل واهضابه=خل عنك الي ينسفها امام امراته
لايهمك تايه العالم ياذيب الغابه=والله اني لنزل الوادي واذكي شاته

دخيل الله الميموني

دام مثلك معي ما تغلبني الغلابه=قادر ارقى كل ضلعن واقتنص حياته
وابشر انك معك سيفاُ هيبته ونصابه=فاللقاء يجبر عدوك تختلف هقواته

تـــقبـــــلــو تـــحـــــيــاتـــــي

صحة السنتكم ومحاوره جميله
الله يوفقكم والى الامام

صحت لسانك اخوي محمد وصح لسان الشاعر دخيل الله الميموني ولا هنت على نقلها لنا

صح ألسنتكم جميعاَ وموفقين انشاء الله

صحت السنتكم

الله يوفقكم والى الامام

صحت ابدانك يالغالين وشكركم جزيل الشكر على المرور والرد من قلوبكم الوافيه والله لايهينكم



وترقبو الجديد مساجله عن قريب مع الشاعر دخيل الله بن فاطم الميموني