حفل الشاب نور بن زبن العقيلي

عبدالرحمن العقيلي
بسم الله الرحمن الرحيم
(قـصـيــدةـ الـ نـور)
يانور جتني دعوة الحفل واجبت=من كل قلب صادق احساس وشعور
وفزيت للدعوة من اجلك ورحبت=وادري لواني غبت ماني بمعذور
ماخاب من سميت باسمه ولاخبت=حفيد منعوراّ وسماك منعور
عزالله انك ياابيض الوجه ناسبت=واخترت زيزوم السخا ومعقل الشور
لاهان منهو من صفاته تهذبت=عميد شمل العايلة زبن ابن نور
يازبن مهما قلت بالمدح واسهبت=مدحك بحر ماتنصفه عدة اسطور
لاكن ا سال المعتلي منشي النبت=انه يديم افراحكم يااسرة النور
ياللابه اللي في ذراهم تغلبت =على هموم كنها ظلمة بحور
وحظرت بعد ارهيت بالغيبة ونبت=وخلفت راع الدور واتقنت للدور
الدار تعرف قيمته لا تغربت= والشعر يبقى جيل عن جيل مذخور
اقولها وانا لياقلتها صبت=الشعر برسالة محمد ترك دور
وان كان مااعجبك الكلام وتعجبت=حسان ثابت في الصحيحين مذكور
اسئلك ياشعر العرب كم تسببت=في حفظ حق وكم تصديت للزور
ياكم جبت النا الحقايق وكم جبت=رواية تحكي بها عصور لـ غصور
وانا نثرت حروف شعري وجربت= يا للاسف واجهت لي سيل حادور
البعض قال اعرب حروفك ولااعربت=والبعض قالو شعر يحتاج جمهور
اذا اعتزيت بذخر عقال ماهبت=ومطير من مكة ليا ساحل الزور