يـ الموت ليه اخترت عمي تراحيب= الواجب انك تقصر الاجل دونه
االي مثل عمي تربى على الطيب=واجب ملوك الموت مايقربونه
قلته وانا ضيفّ ن بحكمة معازيب= في مربع ن من جوه مايرغبونه
متابع اخباره قبل شمسه اتغيب= وجاني خبر موته قبل يدفنونه
لاشك شيا كاتبه عالم الغيب=شيا جميع الناس مايمنعونه
ي الله ياعالم خفايا الدواليب= رب ن كريم وواسع الكون كونه
تجعله في روض ن قطوفه محاظيب= النار ماهي حول من يسكنونه
ياعم تبكي غيبتك شمخ النيب= والطيب من الناس تبكي عيونه
لانك كريم ومدهل ن للمواجيب= عدن يشافي نفوس من ياردونه
الضيف له قدر ومعزه وترحيب=والجار يحشم ماتجيه المهونه
شيخ يديك اتقدم الطيب وتجيب=غيث ن لمن ينصاك يبغى المعونه
هامة كرم ماتقبل الشك والريب=كقك كما غيث ن تهامل مزونه
حازم حكيم الراي وقت المطاليب= ووقت الرخا تبدو عليك الليونه
اذا تجادل مخطي الراي ومصيب= وابديت راي اثنينهم يسمعونه
اقسم بربي لو نصدر لك اشعيب= من الشعر ماتنصف جنابك لحونه
مامات من عقب سيوف ن محاديب= عقب رجال ن كلهم يشبهوته
رجالهم بالفعل ذيب ن ولد ذيب=وقت الصعاب وما بغو يدركونه
الصدر كن يدق وسطه مناسيب=والقلب عيا لا يقام شجونه
وحزن ن على شرواك ماظني ايغيب= ومن يستعن بالله ربي بعونه
« آخـــر الـــمـــشـــاركــــات »
غير متواجد حالياً
مرثية الشيخ تراحيب بن صالح العقيلي رحمه الله1440هــ
