اجمل قصيدة وصف في ابل حمران النواظر؟

السلام عليكم ورحمة الله وبركاته :


غرد فرح في سما الصمان ياشادي ..والعب بسبق جناحك في هوى نوده

غرد وانا لي معك ماقــف وميعادي.....واليا سهجت اللحن نعطــيك مردوده

وان عــودت للبكار الشعل الاتلاـدي.....معنا مشاعيف شعل ذكرهن شوده

مادوجن بالبلد من عاــــم ابن عادي....وش للحاوي وشهن شعل بن عوده

لباعر مطير ذكــر فــــوق الاشهادي.....في سبع الوان ابــاعرنا بها زوده

صفر دبــــس والنواظر شعل وحدادي...اذيالهـــن شبر والارقــــاب ممدوده

هدب هدل للمصوت شخـــص شرادي....كزت ظبا اليا ندبت لهن على القوده

لشعافهن مع سنا الحمره تمر عادي...كـ جمر نارسرى النسري على عوده

واوبارهن كـ الحقل في حور بغدادي..ولا نواوير حـــربث بــــرق سامــوده

ومعنا مجاهيم دهـــم وجيه ركــادي....جـــهام ليــــلة قدـــر بالخير محموده

ليلة قدر مبرهزه جـــــوها هــــادي...سكانها خـــشع العــــابد لمعبـــوده

دهم طخم ريش روس سموعهن بادي...كــ روس شلف نهـــار الكون ممدوده

ريش زهاهــا على الاكتــاف لباــدي..ملمس حرير الشرازي عالي الجـــوده

ومن المغاتير معنا وضــــح سنادي.....وضحا على شف راعيهن ومقصوده

تهيض فيهن مشاعر كــــل قصادي....اليا صيح لاقصى الطياح ولـــد للموده

ضحاح جنب الضويحي مع شفا وادي..اليا عاد من صيحت ماهي بمــاكوده

ومعنا من الزين مايحصيه عــــدادي....وشهودها حيه تـــــــــرزق وماجوده

بنات عبــــدان معنا ورث الاجــدادي.....ماهي علينا حديثه عهـــــد ومولوده

وعليا بن علوش فيصل مالهــــا لادي.....والشرف مع غيرنا ماهي بمــوجوده

حامينها الامار رجحــــــــان الاولادي.....حاميــــنها يـــــوم كل حامي حدوده

يومنــــها بين اهلهــــا حد وعنـــادي....ولايدحم الرجــــل ضده كود بعضوده

وقفه لشمط اللحــــــا مافيه مقعـــادي....كل تثــــولث به الصفــرا ورى ذوده

لوتحذا خيلــها الاخصــــام وش عــادي......ماهي علينا العــــدا بالنصر موعوده

نرسي لهم مثل مايرســــــن الاوتاـــدي.....بالعزوه اللي على الاجـــداد معهوده

واليوم يوم الامـــــن فالمملكــه ســادي ....نمشي طرب والحيا نرعـــاه ونروده

ونجـــيب علم الربيــــع لكــــــل نشادي.......حيـــــــثنا من رجـــال تاصل حدوده

ونحف عشـــــبه وجا للقــــيض ميعـادي...وكـــل مثل مايقـــــولونه نصـــا عوده

لنا علــــى مارد الصــــــمان مـــــيرادي....ترتــع بجيـــــانها ما هي بمــــطروده

من جو حســــنا الى ســــاقان من غادي....الله يسقــــــيه من مـــده ومــــن جوده

فيهن فخـرنا وبهــن الشــــوق يزدادي......وكلٍٍ يمـــــاري هــــل الاذواد في ذوده

عاشت لحــــا شـــــيوخ حطوا لهن نادي.....وجوايز قيــــــمه ماهــــي بمحــــدوده

للصفر من سنـــــها الرابع الى الحــادي...ومزاين الـــــشعل من حــــقه ومفـــــروده

والاالمجــــاهيم معنا حقــــــها بـــادي...لها الجــــــيوب الكـــــلوزر صف مرصــوده

وللشـــقح شد الجميع لااللي ماهوغادي.....عاشوا لنــــا وكل شـــــيخ جاب موجوده

طيب الشـــــيوخ القديم بروس الاحفـادي......الطــــيب موجود والــــــشيخان موجوده

الله خلـــــق شـــــيوخنا للطـــــيب روادي .......كالطــــيبه في نواصي الحصن معقود



وسلامتكم.
م..............................ش
للشاعر سعد بن سلطان الرخيمي

مشكور اخوي ولدالدويلة.وللاسف القصيدة مكرره غلى هذا الرابط
http://www.almizany.com/showthread.p...C7%D4%C7%CF%ED

وسوف ترحل للمكررات