((غرد فرح في سما الصمان ياشادي))لشاعر الكبير:سعد بن سلطان الرخيمي المطيري...

غرد فرح في سما الصمان ياشـادي=والعب بسبق جناحك في هوى نـوده
غرد وانا لي معك ماقـف وميعـادي=واليا سهجت الحن نعطيك مـردوده
وان عودت للبكار الشعل الاتـلادي=معنا مشاعيف شعل ذكرهـن شـوده
مادوجن بالبلد من عام ابـن عـادي=وش للحاوي وشهن شعل بن عـوده
لباعر مطير ذكـر فـوق الاشهـادي=في سبع الـوان اباعرنـا بهـا زوده
صفر دبس والنواظر شعل وحـدادي=اذيالهـن شبـر والارقـاب ممـدوده
هدب هدل للمصوت شخص شـرادي=كزت ظبا اليا ندبت لهن على القـوده
لشعافهن مع سنا الحمره تمر عـادي=كـجمر نارسرى النسري على عوده
واوبارهن كـالحقل في حور بغدادي=ولا نواوير حربـث بـرق سامـوده
ومعنا مجاهيم دهـم وجيـه ركـادي=جهام ليلـة قـدر بالخيـر محمـوده
ليلة قـدر مبرهـزه جوهـا هـادي=سكانهـا خشـع العابـد لمعـبـوده
دهم طخم ريش روس سموعهن بادي=كـروس شلف نهار الكون ممـدوده
ريش زهاها على الاكتـاف لبـادي=ملمس حرير الشرازي عالي الجوده
ومن المغاتير معنا وضـح سنـادي=وضحا على شف راعيهن ومقصوده
تهيض فيهن مشاعـر كـل قصـادي=اليا صيح لاقصى الطياح ولد للموده
ضحاح جنب الضويحي مع شفا وادي=اليا عاد من صيحت ماهي بماكـوده
ومعنا من الزين مايحصيـه عـدادي=وشهودها حيـه تـرزق وماجـوده
بنات عبدان معنـا ورث الاجـدادي=ماهي علينا حديثـه عهـد ومولـوده
وعليا بن علوش فيصل مالهـا لادي=والشرف مع غيرنا ماهي بموجـوده
حامينها الامـار رجحـان الاولادي=حامينها يـوم كـل حامـي حـدوده
يومنها بيـن اهلهـا حـد وعنـادي=ولايدحم الرجل ضده كود بعضـوده
وقفه لشمط اللحـا مافيـه مقعـادي=كل تثولث بـه الصفـرا ورى ذوده
لوتحذا خيلها الاخصـام وش عـادي=ماهي علينا العدا بالنصـر موعـوده
نرسي لهم مثل مايرسـن الاوتـادي=بالعزوه اللي على الاجداد معهـوده
واليوم يوم الامن فالمملكـه سـادي=نتبع هواهن من الخفنه الى السـوده
من حيث مالاح برق وهـل رعـادي=نمشي طرب والحيا نرعاه ونـروده
ونجيب علم الربيـع لكـل نشـادي=حيثنا مـن رجـال تاصـل حـدوده
ونحف عشبه وجا للقيـض ميعـادي=وكل مثل مايقولونـه نصـا عـوده
لنا على مـارد الصمـان ميـرادي=على طـوال تلاطـم جـم بـروده
ومصدارهن يم حسنا السبق مسنـادي=ترتع بجيانهـا مـا هـي بمطـروده
من جو حسنا الى ساقان من غـادي=الله يسقيه مـن مـده ومـن جـوده
فيهن فخرنا وبهن الشـوق يـزدادي=وكلٍٍ يماري هـل الاذواد فـي ذوده
عاشت لحا شيوخ حطوا لهن نـادي=وجوايـز قيمـه ماهـي بمحـدوده
للصفر من سنها الرابع الى الحـادي=ومزاين الشعل من حقـه ومفـروده
والاالمجاهيـم معنـا حقهـا بـادي=لها الجيوب الكلوزر صف مرصوده
وللشقح شد الجميع لااللي ماهوغادي=قـد لهدبـا وهدبـا هديـب بقـدوده
من طيب شيخنا كسـاب الامجـادي=عاشوا لنا وكل شيخ جاب موجـوده
طيب الشيوخ القديم بروس الاحفادي=الطيب موجود والشيخـان موجـوده
الله خلـق شيوخنـا للطيـب روادي=كالطيبه في نواصي الحصن معقوده

شـآعر أمطير الأول

وش نقول أمامه ؟

تعجز الحروف والأقلام

ما أقول الي

صح الله لسانه

والله يطول بعمره

صح لسان الشاعر سعد الرخيمي

و لا هنت على الموضوع يا عاشق الرخيمي

الله يسلمك اخوي وأشكرك على مرورك

صح لسان سعد بن سلطان الرخيمي ونحن اهل الأبل إذا عدوا أهل الأبل ولنا حق بان نفخر ببنات عبدان وغيرها من أصايل الأبل ,,,,,,

صح لسانه وصح لسانك يسلم يمينك ع النقله

صح لسان شاعر مطير وتسلم يمين ناقلها وتقبل مروري

لباعر مطير ذكر فوق الاشهادي=في سبع الوان اباعرنا بها زوده
صفر دبس والنواظر شعل وحدادي=اذيالهن شبر والارقاب ممدوده
هدب هدل للمصوت شخص شرادي=كزت ظبا اليا ندبت لهن على القوده
لشعافهن مع سنا الحمره تمر عادي=كجمر نارسرى النسري على عوده
واوبارهن كالحقل في حور بغدادي=ولا نواوير حربث برق ساموده
ومعنا مجاهيم دهم وجيه ركادي=جهام ليلة قدر بالخير محموده
ليلة قدر مبرهزه جوها هادي=سكانها خشع العابد لمعبوده
دهم طخم ريش روس سموعهن بادي=كروس شلف نهار الكون ممدوده
ريش زهاها على الاكتاف لبادي=ملمس حرير الشرازي عالي الجوده
ومن المغاتير معنا وضح سنادي=وضحا على شف راعيهن ومقصوده
تهيض فيهن مشاعر كل قصادي=اليا صيح لاقصى الطياح ولد للموده
ضحاح جنب الضويحي مع شفا وادي=اليا عاد من صيحت ماهي بماكوده
ومعنا من الزين مايحصيه عدادي=وشهودها حيه ترزق وماجوده
بنات عبدان معنا ورث الاجدادي=ماهي علينا حديثه عهد ومولوده
وعليا بن علوش فيصل مالها لادي=والشرف مع غيرنا ماهي بموجوده
حامينها الامار رجحان الاولادي=حامينها يوم كل حامي حدوده

صراحة بيض الله وجه سعد بن سلطان ....وفّى وكفّى شاعر مطير وخليفة شاعر غطفان..

والله أني شاهدت له برنامج على قناة صدى قبل فترة وكان المقدم يحاوره ويريد ان يستفزه بطريقة وأخرى وهو كان ثابت كالجبل وكان يبجل أمراء مطير على الهواء ويبجل مطير وبكل قوة عندما كان الكثير من شعراء القبائل يحاولون أن يختبئوا هو قد ظهر وظاهر الكل ....

لله درك يا عاشق الرخيمي على نقل القصيدته الى منتديات الموازين التي تلألات بهذه الإظافة الجزلة لشاعر جزل ولا نلومك في عشقك لشعر هذا الشاعر فكلنا عشاق لشعر المدافع والمنافح عن قبيلة مطير ولا ننسى كيف ألجم كديميس العصيمي قبل سنوات بالحجة والبرهان مع شعر أقل ما يقال عنه أنه شعر فنان في الشعر ...فلله دره ودر قريحته

أبن مصاول