|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| منتدى شعراء قبيلة مطير يهتم هذا القسم فقط بشعراء قبيلة مطير وقصائدهم سواءاً المنقولة أو غير المنقولة |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ديوان الشاعر / بــــــدر الشـــــــــيب
كُتب : [ 02 - 03 - 10
- 10:03 AM ]
بسم الله الرحمن الرحيم السلام عليكم ورحمة الله وبركاته اضع بين ايديكم هذه الديوان للــشاعر:بـــدر الشــــيــب ((هنا كل جديد الشاعر)) القصيده الاولى بعنوان((أنقراض الدينا الصور))
لا والله.. الا. دارت الدنـيـا ودار الـوقـت دار=وأنـا أحسبـن الوقـت بعقـول الأوادم مايـدور أخذ عقول كبار ولفهـا علـى روسـن صغـار=والخافي أعظم والحقائق واضحه والصـدق نـور هذا أنت ياوقت الشقـا منتـه بوقـت الأزدهـار=تعمل كذا وتخلـي الدنيـا علـى الطيـب دبـور تلعبنـا لعـب القـمـار الله يكافيـنـا القـمـار=والجـو عيـا يعتـدل والقـدر عيـا لايـفـور وكانت مشالـح واسعـه والوقـت حطلهـا زرار=من عقب ما كانت تضلل عن لواهيـب الدهـور واللي منـول مشلحـه ضيـق ولبسـه مستعـار=اليوم حصله مـع الغفلـه علـى السلـم عبـور طلع طلوع الحر لـو هـو مايعـد مـن الحـرار=أفتكتـه عقبـان نجـد مـن الذيابـه والنـمـور ويوم أنها بلعفرته والشلـف والشـرف القصـار=قسمه مع الساطي مثل قسم الأناث مـع الذكـور وأنا لياعلقت لـي فـي معجـم القصـه أشعـار=أخلي عيـال البطـون تفـارق عيـال الظهـور شاعر واعبر بالقصيد ولا. على الواضـح غبـار=والمستمع يحكم بصـدق المعرفـه لا.. بلفجـور واوصي الشعار ماهـو لا. غـرور ولا.أحتقـار=على القصيد الجزل والتعليق في بعـض الأمـور أن ماتطرقنـا الأمـور اللـي قضياهـا كـبـار=راحت مناهجنا غداء والا. عشـاء والا. فطـور حنـا بوقـت العولمـه والتقنـيـه والأ بتـكـار=الراس ما صابه خوا والعقـل ماصابـه ضمـور شعر النبط صابه من الجاهـل تدهـور وأندثـار=لا ينقرض من ملكنا مثل أنقـراض الديناصـور وين أنت ياللـي تنظـر الدنيـا بعيـن الأعتبـار=وين أنت ياللي تنحت الأشعار من صم الصخـور ويـن أنـت تنقـد الشعـار وتـصـدر قــرار=نقدك يزيد الضغـط ويفجـر دواليـب الصـدور هاك الصـدور الضيقـه والا. طويليـن العمـار=يصغون لنقـد الصحيـح ولا. تحلـو بالغـرور والشاعر المبدع ..ليا .. ثارت هواجيسـه وثـار=من هيض والا .. غيض يسبح في عميقات البحور والشاعر العادي يسجـل فـي سجـل الأنتظـار=لو طلعوه أهل الصحافه فـوق يرجـع للحـدور والموهبـه حكمـه مـن الله ماتجـي بالاختيـار=تبقى مع الموهوب دائم لا.. سنيـن ولا.. شهـور وليا طرى له شي يرسم كـل فكـره بأختصـار=مصنعه فـالذاكـره مثـل أفخرأنـواع العطـور أحساس والا.. أبداع والا..هيجنـه والا.. حـوار=هي هي حسب الفكره اللي داخـل أفكـاره تـدور القصيده بعنوان(( بيوت الشعر))
أسترسلت فكرة بيوت الشعـر بالعلـم الوكـاد=وصفت معاني فكـرة الأبـداع فـي ميعادهـا وليا أشتعل راس الفتيل وشب من خشم الزنـاد=أشره على اللـي مايوردهـا علـى ميرادهـا طلعتها قمة جبل خـوف مـن أهـل الأنتقـاد=ونحتها فوق الصخـر ليـت أستوالـي مادهـا وجات القصيدة رمز شاعر والعلم رمز البـلاد=وتباشرت مثل المـزون اللـي زهـم رعادهـا وحطيتها في خانت المليار ماهي فـي الأحـاد=وحصنتهـا لاينقـد الناقـد علـى قصـادهـا وضميتها لمعلقات الشعـر فـي أيـام العيـاد=عيدية عـادت علـى العالـم جميـع أعيادهـا قصيـدة ماهـي مملـه لوتعـاد ولـو تعـاد=حيث أنها ترصد لها موضوع فـي مرصادهـا أنا بشر. لاكن أليا فكرت فـي بعـض العبـاد=اللـي تجاهـد فالحيـاة ولايفـيـد جهـادهـا أقول ياقوم البساطـه فكـروا فـي الأعتمـاد=بعض العرب مستوطنه في بلاد غيـر بلادهـا تقطف من الأثمـار وتقابـل لذعـذاع البـراد=وتوقـت الساعـة وتشغـل لطمـع عـدادهـا عقب القصود الباهظه صاروا من أهل الأقتصاد=اخر زمن ماينكـب الضبـاط غيـر افرادهـا حنـا تعلمنـا الليالـي واللبيـب أليـا استفـاد=يحسب حسـاب لهجمـة الأيـام واستعدادهـا القصيده بعنوان((سؤال محرج))
ياسترت النجـاه وحـزام الأمـان=يامركز الأبحاث ويـن الباحثيـن الأمر روتيني مصدر من زمـان=بس المهم أنه يطبـق هـالحيـن يعني اليا وقف عمـر يالبرلمـان=أضحك على اللي فيه زين العابدين برويز جده خان لكن ويش خـان=أحفاد خان أخوان والا.. خائنيـن سؤال محرج والجواب يكون وان=من هئية التدريس والا.. الدارسين تدري طلعنا.. لكن أقفز ياحصان=على الحواجز من يسار ومن يمين عرض مع الميدان والعب بلعنـان=خيالك مغيب ريـاض الصالحيـن المعتصـم بالله مايطلـع جـبـان=أكبر جبان اللي يعيش بدون ديـن القصيده بعنوان ((وجه الظلام))
يوم أقترب وجه الضلام ودعت شمـس الغـروب=قبـل الكواكـب فـي مجرتهـا تشـع أبراجهـا فـالفتره اللي جوهـا كتمـه لـو الدنيـا هبـوب=ضيقت صدر دكتور الأنفس مايعـرف أعلاجهـا فيها التقي لو ماعليـه ذنـوب يرهـي بالذنـوب=وأفواج من ضمن الهمـوم اللـي تمـر أفواجهـا وقفت أفكـر وأتاأمـل فيـك يالوقـت الشحـوب=ياملقحـن دنيـا الهمـوم اللـي يضـر أنتاجهـا نضحك لها ضحكة فرح وأضحك ماهو بمحسوب=دنيا الشقـا مـن حقدهـا عيـا يليـن أحجاجهـا ظلامها ماينتهـي والنـور غامـض ومحجـوب=اليـا متـى عنـا تحجـب شموعهـا وسراجهـا دنياً على مـا عبـر العاقـل سحابتهـا سحـوب=تكسر مزاليـج القفـول ولا.. انكسـر مزلاجهـا هذي هي اللي تزعج الرجـال وتشـق الجيـوب=مايزعج الرجال مهمـا عـاش مثـل أزعاجهـا يهـب يادنيـا العنـا.. يهـب الوقـت الـعـوب=عسى الحوائج من يديـن البخـل مـا نحتاجهـا تعبر بنا أقطار الحياه من الشمال اليـا.. الجنـوب=ونسبح بحوراً يرهب السبـاح صـوت أمواجهـا ونبني بيوت الشعر من صم الصخر ماهو بطـوب=ونسوقها سوق الجمال اليـا.. استـوى منهاجهـا خلونـي أفكـر وأوجهـا علـى أيـات الـدروب=وأحـط ختمـي فـوق غرتهـا وأعلـق تاجهـا أيبله الدرب أستوى ومن القلوب اليا.. اليا.. القلوب=عن خطها اللي راسمـه فالفكـر محـدن عاجهـا مانـي ملقيهـا الخـلا.. لوأنهـا شبـت شبـوب=والله لتنـزل فـالمـدرج لـو يدخـن صاجـهـا لاكان ياجاهـل تـرى الأيـام غالـب ومغلـوب=والنار محـدن باسطـن رجلـه علـى وهاجهـا وأنته على درب التغطرس والردى منت مغصوب=ليـت الرديـه قبـل تبديهـا قفلـت أدراجـهـا هذا الملخص وانت فكر فـالنجـاح وفالرسـوب=حملـت زبيـده فـأول الأيـام كـم حجاجـهـا والكذبه اللـي مبتداهـا منـك ياوجـه الكـذوب=ترجـع نهايتهـا عـلـى لحيـتـك يهراجـهـا وكان أنت صادق في كلامك لا تفكر فـالهـروب=أقـرب وعبـر مداخلهـا وعــن مخراجـهـا القصيده بعنوان (( يالجيــــب))
يالجيب بكـره محتسيـن العساسـه=من جنب ساق اليا. طوارف حبارين وعلى طوارف خرب واقصى الساسه=واصل مشاويرك من النيـر ويميـن اذنـي الـقـا للعشـايـر ونـاسـه=في ماقعـن نبتـه سـوات البساتيـن أنـا علـى الناقـه شديـد الحراسـه=مانـي سـوات مهمليـن البعاريـن أمـا تعبـت الهـا بجـد وحماسـه=والا.. جلبـت وقلـت يامستجـديـن ناس(ن) منـول بلفلـس والفلاسـه=واليـوم زايدتـن عليهـا الملاييـن يجيـك وأحدهـم يعمعـم بـراسـه=يبا التوبل مـن بعـد عـام الألفيـن ومسك البعير وقـام يأخـذ مقاسـه=ويقول أبوه منين والجـد مـن ويـن وهو شاويً حماره يسحـب ركاسـه=سقاً يبيع ماهـو الا.. مـع الضيـن محطهـا يـوم(ن) فيهـا رئـاسـه=يوم أنهـا مضـراب شلفـا وسكيـن يحطهـا رجـلاً قـويـن أبـاسـه=قرمن يذرع كـان جـوه المغيريـن سـوات صنهـات المسمـى وناسـه=اللي علـى وقتـه رماتـن متاقيـن بن حريـش اللـي خذاهـا فراسـه=الخيل من حسـه تغشـم الصعانيـن واليا.. ضرب جمع المعادي وداسـه=في مفرسه تشبع جيـاع السراحيـن وغيـره رياجيـلاً تقيـس قيـاسـه=وغيره وغيره ناس ماهـم بسيطيـن ماهـو أملموسـن كثيـر التمـاسـه=خبلاً لالا ..دنياه ضايـع ومسكيـن فسـق ويبغـا بـدراهـم الحـاسـه=توه طلع له ريش مـدري جناحيـن وأن شفت زوله منتبك فـي الباسـه=تقول هـذا اللـي يحـرر فلسطيـن وهو مايحزبلـه مـن القـوم كاسـه=لوهو حضر في معركتهم هاك الحين يـوم المراجـل بتعـب والتعـاسـه=وخيلاً تنـازا بالرجـال الشجيعيـن قـدام حكـم اللـي حكـم بالسياسـه=وحكم بسيـف وعسكـراً مستعديـن حكـم دهاكيـل البـلاد ومسـاسـه=وثبت حدوده غرب ويسـار ويميـن وشرق البـلاد مثبتـن فيـه ساسـه=سلطان نجد اللـي تعشـا السلاطيـن سبع(ن) سبع كل السبـاع بحساسـه=عبدالعزيـز اللـي حكـم بالقوانيـن اللي درس حكـم الشريعـه دراسـه=وجمع شتات الناس بالشـرع والديـن وعم الوطن كـل الرخـا والأناسـه=وصحراء البلد صارت عيون وبساتين وراح الجهل والشوشـره والشراسـه=وامسو عقب وقت الشقا مستريحيـن وتخـاوت ذيـاب الخـلا والبساسـه=وجات الحباري من حساب الشياهيـن وكل(ن) حذف سيفه ودرعه وطاسه=الله يعـز أولاة نـجـد العزيـزيـن والله ينصرهم علـى أهـل النحاسـه=ناصر جنود الدين في بـدر وحنيـن القصيده بعنوان ((معنى الأصاله))
علـى طـرف عبلـه واديـان وجبـال=وصحراً تعلـم ويـش معنـى الأصالـه مـرو بهـا الأجيـال رجلـي وخيـال=وأهـل هـجـن وبـوارديـن الحـالـه وعـداً عليـه البـدو نـازل ورحــال=ودلـواً حياضيـه وحـبـل ومحـالـه وصيداً تقول أنظر قطيعـه اليـا جـال=ترسـم لـي الماضـي رجـال الشكالـه حنـا رجـال ولا لحقـنـا بلاجـيـال=اللـي زمنهـم صعـب ماهـو سهالـه لكـن كبيـر الـسـن مـوجـود لا زال=عـن ماضـي الدنيـا يعـلـم عيـالـه يقـول عشنـا عيشتـن مالهـا أمثـال=رغـم القسـا تهـدف لرمـز الرجالـه فعلاً فهمنـا كـل مضمـون مـا قـال=لكـن نـوصـل لصـغـار الرسـالـه مفهومهـم فقـرة مسلـسـل وجــوال=وبـلا ستيشـن ثــم مــر البقـالـه واخذ عصيـر وكيـك والعلـك بريـال=وسهـر علـى خيبـه وخبـث وخبالـه ضحيتـن لبلـيـس وبلـيـس خـتـال=ترمـي محابيـلـه ويفـتـل حبـالـه لكان عطه دروس عن بعـض الأحـوال=والديـن هـو عـزه وهـو راس مالـه واليـا تديـن عـان عنـه الخطـر زال=عـقـل الجـهـل بـدلـه الله بـدالـه هنـا طلـع رجـال مضـرب للامثـال=وهنـا عـرف تاريـخ عمـه وخـالـه وهنـا لقـا بيـن الرياجيـل مـنـزال=سـوا لــه الله والطـريـق استـوالـه طلع بطل محسوب من ضمـن الأبطـال=كلـن يـبـا قـربـه ويبـغـا قبـالـه والتجربـه ماهـي تصانيـف وأهـبـال=برهـان والفـاهـم وسيـعـاً خيـالـه والعنصـر الفعـال مــدرك وفـعـال=يبحث عـن الطالـه ويضمـن وصالـه وبحثت لين أزريت عـن راحـت البـال=ولقيتهـا ابسـط مـن شـراب البيـالـه بعدي عن الضوضاء وعن بعض الأشكال=جمالتـن فالنـفـس واكـبـر جمـالـه والهرج يخـر لـه مشاكـل اليـا طـال=والصمـت حكمـه والتطفـل جهـالـه وأن كان ماعندك على الخصـم مدخـال=حجتـك تفشـل فـي مـقـر العـدالـه والمرجلـه ماهـي بعرضـه ومــوال=وعمـارةً فخمـه ومجـلـس وصـالـه المرجلـه تبـغـا محـنـك ورجــال=يشكر علـى فعلـه اليـا جـاء مجالـه رجـلاً شجيـع ولشرابـيـك حــلال=ولصلـح متـبـرع بجـاهـه ومـالـه القصيده بعنوان(( المطوع والعاشق))
جيت الطبيب وقلت أنا انسان مرضان=وفحص علي وقـال قرحـه وقالـون وجاب الحبوب أصناف واشكال وألوان=قال أكل هذي قلـت مانـى بمجنـون قال أنت تلعب قلت مانـي بسكـران=أكل حبوب (ن) جبتها ملـي كرتـون ومشيت من عنده معصـب وزعـلان=وجيت المطوع قال اخذ زيت زيتـون قلت السبب قال أنت بالحيـل تعبـان=عندك قلق ومصارعة جـن وعيـون قلـت الله أكبـر يامطـوع سليمـان=اللى تبيع الزيـت والنـاس يشـرون يمديك من بيعـه مطنطـخ وفسقـان=ويمدي رصيدك فوق عشرين مليـون قال انت صاحي قلت صاحي ياوجعان=أنـت وطبيبـك كلبوكـم تهلـسـون أنا بلايه من هـوى خـدر الأعيـان=أشحن غلاه وخاطرى منـه مشحـون أتلى العهـد بـه يـوم روح مسيـان=عصرية الجمعه على جيـب صالـون جيتـه موقـف عنـد كبـري بنبـان=فى جيبهم تهريـب علبـة دركسـون وعطيتهم جيك(ن) من الزيت مليـان=قالـوا نبـى نعطيـك رقـم التلفـون وفطنلـى السـواق والعلـم نيـشـان=قال امش قلت أبنتظر ليـن تمشـون وتابعتهم والجيب مسـرع وعجـلان=أذنهـم فاحـدى المحطـات يقفـون وعلى مغيب الشمس مع وقـت الأذان=قلت أنهم حـول أم سـدره يصلـون وسريت معهـم ليـن وازنـي أبـان=ولفيـت للبتـراء وعـيـوا يلـفـون واخذت رقم الجيب ابي منـه عقـلان=وروابع المشتاق مـن دون فـى دون وجيت المرور وقلت وان آجـده وان=عطونى برنت(ن) مصدق ومضمـون وقالوا من أنت وقلت أنا بدر شامـان=فى حب هالمجمول مغـرم ومفتـون قالولى الحاسـب لـه أيـام عطـلان=وليشتغل تامـر أمـر يابـن ميمـون القصيده بعنوان((ياجافي))
ياظلمة الليل مالي فى همومك شريـك=أعوذ بالله من سـوء البـلا والهـلا ك أدركني الفجرأفكر بين هـاذى وذيـك=وأعيد ذكرى غرام(ن) بين هـاذا وذاك أسري مع الهم واهوى قصتي ماهتويك=والوعتي كـل مايقبـل عليـه دجـاك أصير مشبوك فالظلماء وعقلي شبيـك=وليا رأيت النهـار أقـول ليلـك وراك أنا خويي نسـي ومخاويـك مانسيـك=ياليل ماهي شعورك لو نهارك نسـاك من لامني فيك ياللي صرت مجنون فيك=تبلاه بلوى حبيبه بلوتـي مـن بـلاك ياجافي أقبل ولاتقفـي وانـا مقتفيـك=لا تكثر الصد جفت حالتي من جفـاك أنا أرجي الله يريح خاطرى وارتجيـك=تراك يمد يك ترجع عقب طول مـداك وشلون هاذا هواك لواحد(ن) مهتويـك=هواك هوا بعقل الهاوى اللـى هـواك تراي مملوك لك وانتـه لعقلـي مليـك=يامالـك القلـب لله الجليـل الـمـلاك أبيك واللي تبيه اخذه من اللـي يبيـك=مافيه داعي تطنش دعوة اللـي دعـاك الله يسامحك ويبيحـك ويستـر عليـك=لونك أخطيت لاكن ماحسبـت لخطـاك ماهو علشان عين امك ولا عين أبيـك=عشان تصد ق معي ولا تدل أصدقـاك القصيده مساجله موجهه الى الشاعرلافي الغيداني الحربي
ياشذى عطر القصيد اقبـل ورش بيوتـه=شفني ارسم قاعدة شعـر النبـط وابنيهـا راكب اللي لمعـت السبـع علـى كبوتـه=ويش اوصفهـا ياربـي ويـش اباحليهـا كنها شاطي بحـر يـوم يتطـارد حوتـه=او كما خبراً على الطينه صفـا صافيهـا جيب لكزس برمجة سلفه علـى ريموتـه=يستمـد الــوان فضـيـه ويستمديـهـا كن واجهته من اصناف الذهـب منحوتـه=ولمعـت جنوطـه وبوديـه تمـرّا فيهـا ان نطحته تقـل هـداف ٍ هدفـه يشوتـه=وان قفيته شبـه ذيـب ٍٍ غارتـه ناويهـا وان تعرض كنـه اللـي سبقـه مفلوتـه=اشقر ٍ يهوي على الصيـده ولا يخطيهـا وداخلي الكشـن صالـة محتكـر تايوتـه=صالـة ٍ عبداللطيـف بمحتـوت بانيهـا ساع حطـت مويتـه ومرايتـه وزيوتـه=حي والله هالجيوب وحـي مـن يشريهـا ان مشى صحراء من السرعه طغا طاغوته=وان مشى فالمدن حسـاده طغـا طاغيهـا لوتحط اذنك لشكمانـه ماتسمـع صوتـه=يمكـن انـك تستشـك ودقتـه تثنيـهـا سايقـه مافـت فـوق المرتبـه بسكوتـه=ولا عرف طعم الكابتشينـو ولا يشريهـا استدار من الريـاض وطرقتـه منعوتـه=المخـارج للقصيـم ليـا سـرى يعطيهـا ومع اذان الفجـر قـدام الصـلاه تفوتـه=واصل ٍ دخنه صـلاة الصبـح ويصليهـا وعقب ماصلى الصلاه الساعه الموقوتـه=نحره كسـاب قولـة نعـم هـو راعيهـا واحدٍ ماصار عرض لهرجـة الشاموتـه=فاتح ٍ بـاب المضيـف وكلمتـه حاميهـا ماقعد يحسب خساير ماخسر فـي كروتـه=ماحسـب مخسـار حايلهـا ولاحاشيهـا لافي اللي فايـت ٍ بالطيـب قبـل يفوتـه=ذخر قوم ٍ نهج حاضرها علـى ماضيهـا ذخر حرب اهـل فعـول ٍ كلهـا مثبوتـه=ثابـت التـاريـخ يمليـهـا لمستمليـهـا وعقب ماانهى ضيافته والعلم جات وقوتـه=سلمه زرف القضيه قـال انـا قاضيهـا قصة المرسـل يفكـر والهمـوم تشوتـه=اسمع الدعـوى بصوتـه ليـن تستوفيهـا اشتكي خسران ماني مـن خسـر بيلوتـه=خاسر ٍ عذراً يهيّـض خاطـري طاريهـا مالهـا جـوال حتـى اسجلـه بالنـوتـه=بنـت بـدوان ٍ تصبّـح دار وتماسيـهـا شفتها صدفه وبهـت وفرصتـي مبهوتـه=قلـت ويـش انتـي وتتعلـم ولا يمديهـا وعقبها ترجـع ديرنـا والديـر موقوتـه=وتكثـر الحّـوال ناقلهـا علـى ماشيهـا واتتبعـهـم وادور نزلـهـا لافـوتــه=جالهـا عاميـن يـالافـي ومتباطيـهـا ويوم جيت اليا الفريـق بويتـه وفروتـه=ليا انها تزهـم علـى المقهـور ويباريهـا واتحـرى فرصـة ٍ فـي لفـة ٍ ملفوتـه=ودي اخذ عهدهـا وابـدي علـى واليهـا ولاش فرصه والعـرب شماتـةٍ مشموتـه=خفت ممن يشعـل الفتنـه ومـن ينشيهـا القصيده رثاء في والده الشاعر: شامان الشيب "رحمه الله"
ياللي بدنياك إشتقيت وتعلّقـت=قافيك ديّان(ن) يجمّـع ديونـه الآجل كاين مير يامسرع الوقت=وقت البلاوي كل عاقل يخونه ياليتنـي فورينبـه ماتوايقـت=ولاشفت منزل شايبي في حتونه أنا ليا شفت المنازل تضايقـت=يذكر عليّـه شـي ماتذكرونـه أخذ ثلاث أيام مرضان مافقت=والكبد من هاك الزمان مغبونه ياليتني قدمه عن الربع فارقـت=ليتـه دفنـي قبـل مايدفنونـه أربع سنين وكل ماقلت روّقـت=أذكر سواليفه وضحكة سنونـه عزالله إني عقب فرقاه مالقـت=والنفس عقبه ضايقه ومحزونه م/ن
|
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
