زوايا الفيصلية

إليكم هذه القصيدة والتي مرسلها شاعرها
إلى من هو كفو ويستاهل هوالشيخ/سعودبن هايف الفغم
وهذه القصيدة هي للشاعر/عزيزبن صالح الشيب الميموني

ياراكب اللي كن لمعة مقدمه يوم إنحرف=لمعة زوايا الفيصليه تحت شمس القايله
في داخله مايجلب الراحه على أصحاب الترف=وفي خارجه مايبهر اصحاب الحظوظ المايله
اللي معيشتهم شقى واوضاعهم همّ وقرف=إستبدلوا معنى السيوله بالهموم السايله
عزاهم إن أهم حاجه عند الانسان الشرف=والإ حطام المال زايل والآوادم زايله
يامرسلي ماني مزرّف لك خطابي في زرف=وصل كلامي ثم قول إن أبومتعب قايله
لااللي قبل ما أعرّفه لأهل المعرفه ينعرف=الفغم شيّال الحمول الكايدات الهايله
ياسعود أنا في خاطري هاجوس عيّا ينصرف=يرقى بي متون السحاب ويتجه للطايله
لحظة حديث النفس يبني لي على بلوتو غرف=وأقوم وليا إني مامعيه غير كرت العايله
يامسندي والوقت لامنّه سطى والإ جرف=تجثم له كبار الامم ماتستطيع تحايله
ماهو وحيد(ن)حدته دنيا الشقاوه وإعترف=رغم الصمود وسعة صدره إنشفت بلايله
إصبر لاتستعجل طرف كلمة يبيّن لك طرف=وتعرف وجهة كلمة الرجال من دلايله
انا ماني طلاب مال(ن) للشحاذه محترف=طلاب جاه عند رجال(ن)حشيم وجاي له
وحنّا بدار(ن) تمسح دموع اليتيم ليا ذرف=ماهي بنخوة عبدلي لشيخ من قبايله

صح لسان الشاعر عزيز على القصيده الجزله

ويعطيك الف عافيه فايز على منقولك المميز كعادتك

المشاركة الأصلية كتبت بواسطة مواعيـ سراب ـدك

صح لسان الشاعر عزيز على القصيده الجزله

ويعطيك الف عافيه فايز على منقولك المميز كعادتك

صح الله بدنكـ آخوي/مواعيدكـ سراب

والله يعطيكـ العافيه

واشكركـ على مروركـ المميز

مشكوووووووووووووووووور

المشاركة الأصلية كتبت بواسطة صاحب الامتياز

مشكوووووووووووووووووور

اخوي صاحب الامتياز

الله لايهينكـ

ومشكور على مروركـ المميز

ولكـ تحياتي وتقديري