عبدالمحسن عبدالله الشاطري قصيده في فيلق سما سادة الأبطال

قصيدة الشاعر عبدالمحسن عبدالله الشاطري في فيلق سما سادة الأبطال الفريق أول محمد بن هلال المطيري .

أجابت وأنابت حين ماقلت ابن هلال=جناحٍ رسنها طاعت الراس تبراله
إسمٍٍٍ في ثريا المجد تضربه الأمثال=سما كل طاله والثناء مكسب اسباله
منصى مطير واللي غير في معضلات الحال=على مستوى شبه الجزيرة إتعناله
لها وين ماحلت شداد ورسن وعقال=تخضع الصعاب من الأمور وتهياله
تجي رغم الأنف العاصية طايعة بالحال=لها طاعته فيما يريده ويسعاله
راع الجاه والماجوب يوم الحمول ثقال=قدام العمى يلقى المحسول ويشتاله
زمان المراجل ماتسمى بها الأذيال=وللمرجلة رجالها اللي أتنصاله
يوم النعم محسوبة لهلها على الرجال=ماتعطى رويبضت الملا لو كثر ماله
قبل إن الدقل يغزى الثقل والرجال أفعال=ولايمدح اللي شاهده ماهو أفعاله
هنالك تبين معدن الأصل والبطال=ماهي ذرعة البزاز وإحسان تفصاله
يوم أن الثعل ماله مواعيد وإستبسال=معقل بعين الذيب عما يوراله
على خدها للعبدلي من مطير هلال=هلال الأهله لاهلالٍ سوى هلاله
لها بأربعة مامثلها في الجمال جمال=مرد الفروع ومعدن الأصل ورجاله
هم الفخر في جيلٍ نعيشه وجيلٍ زال=خل أهل البشوت وشيخةٍ فضلها لاله
قبل يطلع الدجال ياما أكثر الدجال=تعداد الشيوخ أكثر من الشعب معداله
كلٍ صار شيخ وراس دعوى وحط وشال=وعظم جنابه مادحينه من أذياله
لقيت الرقاعي حر وخميسه ريبال=وبنت الجبل من حظها الإبل وباله
عسى مالها والي وهالي هزيلة حال=جملها برك ومخاوي الضان تهداله
ميٍزها ليا غرتك في وجه الإستعجال=لثقل الركود إلتاجد العلم وعقاله
ديارٍ ممر أرحال وأرضٍ محط رحال=بمثل أربعة ماعوضت دولة وطاله
قرص الشمس أشعة ماكسح قرنها الغربال=يعلم بإبن هلال رجلي وخياله
له اللي يخلد فخرها ماحيٍٍن أجيال=أسطورٍ يدرس فصلها العصر وأجياله
في خد الكتاب نصوصها فصل وإسترسال=على أعلى سنا في سلم المجد منزاله
لقمان الحكيم بماسُئل به وأجاب وقال=وحلم أحنف الحلم الذي تضرب أمثاله
ريحانة قريش بكل أمانة على ماطال=حدى الأعظمين بما ينوله وماناله
له المذهلات من الفعايل وصال وجال=شموخٍ يقيم الفخر ويعمر للياله
نهار الكحيلة طاح من ظهرها الخيال=وأفاضت بيومٍ روح عثمان رًحاله
يوم الموسفه والعاصفه بأم خد وشال=منه القوس مضراب السهم راس مغتاله
نصرها على الخوُال والناكل المختال=وأقرت بجهد ٍ منه ماتَجهل أفضاله
أمّن سبلها بعد الولي من فسوق الضال=بماسهر عين ودونها عارضٍ حاله
مهما قلت عن فيلق سما سادة الأبطال=منسوب العجز لو قلت ولحاله لحاله لحاله
يطول المدى وطول رحلتك ياالرحال=ماحددتها عن طايل الطول والطاله

صح لسان الشاعر عبدالمحسن

ويعطيك الف عافيه مروى على نقلك المميز للقصيده

صح لسان الشاعر /عبدالمحسن الشاطري والف شكر لك اخوي مروي على النقل المميز

والفريق اول /محمد بن هلال المطيري يستاهل

ومطير ماتنسى مواقفه معها