قصيدة غنيم بن شبلان في مطير والصمان

عسى الحياء يسقي الصمان=يسقيه يالله يالوالي
تردم مزونه لها ربان=وبله على الخد همالي
رجعن حقوقه على الجيان=يلطم من الجال للجالي
من الصفي لا شرى ساقان=يحز بهضاب وجبالي
حدور سيله على السوبان=كد سال ثم سال ثم سالي
تباشروبه هل القطعان=مابين شاوي ووبالي
يفرح به اللي من المطران=ليه فيه منزل ومدهالي
علوى وعباد والبرهان=طوح بها صوت هوبالي
يستاهل اللي قنا عبدان=غوالين والفحل غالي
يشدي بناته خشم حوران=درهم ودينار وريالي
مسند وغارب وخرع اذان=هدل الخراطيم وسبالي
لاذب به الريع مع عرفان=يطربك ممشى وزرفالي
ماروثنا سالف الازمان=ماضي وحاضر ولا زالي
نرعاه ونرعى من الذيدان=من كل الالوان تهتالي
في ضف من وحد الاوطان=لين استوى فيّ وضلالي
يوم الدعاوي رسن وعنان=مجند ومحزم وخيالي
شبه الجزيرة لها دخان=غادي لها هوش وقتالي
حامينها مطير في شامان=مطير حمايه التالي
لو ينشد الصلب عن عبطان=جاله مع الحزم محوالي
خلّي بضلعه عشى سرحان=دمه مع القاع شلالي
يدعى لنا بالقاء جبلان=ليا زمى دونه العالي
سقنى المغاتير مع قحطان=بوراط يوم القاء طالي
ليت الظواري لها جنحان=تنحرت للخلا الخالي
لعيون من كفها الدوشان=وغنيم يلحق بها التالي
غنيم غنيم ابن شبلان=كفى وانا اكفيت موالي
انا اشهدن الهوى سلطان=سلطان ياطيب الفالي
دام اخو نورة لنا كحيلان=داموا لنا احفاد واشبالي

م/ن

صح لسان الشاعر غنيم بن شبلان قصيده جزله لاهنت اخوي المهاوي على النقل
دمت بخير

قصيده من شاعر جزل الله يرحمه

صح لسان الشاعر غنيم بن شبلان قصيده جزله ومطير تستاهل
والف شكر اخوي المهاوي على نقلك الثري والمميز
دمت بود
.

ختيار طيب من رجل طيب

موفق بإذن الله ... لك مني أجمل تحية .

صح لسان الشاعر ولكن يبقى هناك سؤال مهم هل القائل غنيم بن شبلان

لعيون من كفها الدوشـان=وغنيم يلحق بهـا التالـي
غنيم غنيـم ابـن شبـلان=كفى وانا اكفيـت موالـي

لأن الشاعر يقول "كفى والضمير هنا يرجع لغنيم ثم يقول: وانا اكفيت موالي ..وهذا يعني ان قائل القصيدة ليس غنيم!!

صح لسان الشاعر غنيم بن شبلان على القصيده الجزله


ويعطيك الف عافيه اخوي المهاوي