يا هــــآجســي

ياهاجسي قم جمع الافكار من وسط الفلات=يمكن تخفف هم راعيها وحالي منطوي
واشف حالي يازمان الغدر فيه المغريات=صار الخوي ماعاد يستامن على الخوه خوي
غابت نجوم البارحه مدري علام الكل بات=نامو ولكن الاذاني كلها صوت ودوي
حنا بشر لكن نص اعمارنا راح سبات=هاذي حقيقة صادقه ماهو كلامن معنوي
الود ودي لو خليت بروحي بقاعة حصات=اخير من تالي الحياة ومانلومك يابدوي
ازل نوب وحكمتي مافات بين الناس مات=يمكن غفلت وغفلتي ماهي على الدرب السوي
عرفت بان الادمي عمره شتاتن في شتات=رحله وتاقف عندما صفحاتكم تطوى طوي
عرفت بان الادمي ينمو كما زهر النبات=اليا ركزته ماتغير طول عمره مستوي
عرفت بان الادمي ماتنفعه كثر الغنات=الفقر فقر الدين والطاله لها العبد السوي
عرفت بن الادمي كنه موصى في وصات=وصاته التقوى وبير الذكر منًه يرتوي
الفايز الي في نهار الضيق يرزق بالثبات=والخاسر الي دارت الدنيا ودربه ملتوي
سبحان من عجز هل التعليم في علم النوات=سبحان ربي يجعل من الآدمي نسل و ذوي
حلاوة الايمان للي قام في فرض الصلات=يازينها لاقمت فرضك وانت في عزك قوي
احذر ترا الدنيا لك الله مقفياتن مقبلات=والذيب نوب يحدكم فالدرب من دون يعوي
يالله طلبتك خاتمه تشريف لا حل الممات=وانك تذكر كل غافل قبل فالنار يهوي

صح لسانك اخوي الكنق

يعطيك العافيه

هذه الدنيا يكنق مطير غريبه وعجيبه

الفايز الي في نهار الضيق يـرزق بالثبـات
والخاسر الي دارت الدنيـا ودربـه ملتـوي

صح لسانك

الأخ الشاعر الرائع المبدع كنق مطير صح لسانك الف وقد أستمتعنا بقصيدتك اعلاه

واشف حالي يازمان الغدر فيـه المغريـات=صار الخوي ماعاد يستامن على الخوه خوي

بل هناك خويا يبيعون الروح من دون الخوي ولا زالوا موجودين ولله الحمد..

وصح لسانك وقصيدة رائعه بحق

أبن مصاول

الله لايهينكم جميعا

صح لسانك اخوي

والله الله بالمزيد ...

قصيده رائعه

صح لسانك اخوي

صح لساااااانك اخوي .....

سلمت يداك ....وتقبل مروري ...