عز الله أني تعبت أمـن العزوبيـه

السلام عليكم ورحمة الله وبركاته
هذي قصيده اعجبتني ونقلتها




عز الله أني تعبت أمـن العزوبيـه
والنفس ضاقت وذقت الهم بأنواعـه
عايش مع الناس لا هـذي ولاذيـه
أمشي وأداري خفوقي وأدمح أوجاعه
صبرت مير الزمن ما فيـه ماويـه
تعبت أجامل ضميري وأكتم أوضاعه
إن ضقت لردّف المخبور عصريـه
أجلس ونفسي مع التفكير مطواعـه
الوقت عنـدي يطـول ولا محنيـه
لين الدقايق تصير أطول من الساعه
يا وين أبلقى هنوفٍ تبـري الكيـه
بنت أبلجٍ بالوفاء ما يقصر إذراعـه
من نسل قومن لهم بالوقـت ماريـه
يشهد لهم شيخ قوم تشهـد أتباعـه
غندورةٍ بـالأدب والديـن مربيـه
فيها الخجل والحيا للبيـت سناعـه
فيها الحلا صافياً ميـه علـى ميـه
تملك ضمير الرجل وتضيع أطماعه
ما تعرف السوق بالروحه وبالجيـه
يا كود مره لأجل تاخذ لها بضاعـه
ولاهي تسوق الحكي مع كل مبليـه
ولاهي خفيفت قدم كل يوم شلاعـه
محبوبةٍ من بيـاض القلـب والنيـه
تبعد عن الشر يـم الخيـر تباعـه
فيها الركاده سمه ماهـي تجاريـه
متعلمه بالكرم والطيـب وأسناعـه
لرجل في جاشهـا قـدر ومحبيـه
وتعامله بالوفـاء وتقـدر أطباعـه
هذي هي اللي ترد القلب عن غيـه
هي غاية القلب هي قصده مطماعـه
أن جات لي هالهنوف براحت إيديه
أقنعت قلبٍ هواوي صعب مقناعـه

مشكور اخوي معاند البحر ع النقل المميز


تحياتي لكـ

مرورك المتميز ياخيو

الله يرزقك بوحده تشبه رضا تكر لا ومعضله بعد علشان تتحسر على ايام العزوبيه ههههههههههههههههههههههه

امزح معك لا تزعل


اخوى الله يرزقك ببنت حلال صالحه تكون قرة عين لك وتكون جميله وصالحه

مشكور اخوي معاند البحر
ويــــعـطيكـــ العافـــــــــــــيـــه

مشكور أخوي معاند بحر
يعطيكـ العافيه