◦ღ♡♥ஓدكتور لو تشرح عن عيونها السـودஓ♥♡ღ◦˚°

دكتور لو تشرح عن عيونها السـود=أبرك لنا من شرحك بعلم الأعصاب
تشرح لنا الأعصاب عن مخ مولـود=وأعصابنا ذابت مـن فـراق الأحبـاب
تشرح وأنا عقلي من العام مفقـود=عقلي مع اللي كامل الزين جـذاب
الزيـن فيهـا مـالـه قـيـاس وحــدود=عنق المها ترخص له أعمار وأرقاب
بعيونهـا زيـن ٍ عـن النـاس بــه زود=يا زينهـا لا سلهمـت ذيـك الأهـداب
لرموشها ظل ٍ علـى الخـد موجـود=ولخدودها نور ٍ عـن البـال مـا غـاب
يا ما حلا ليل ٍ على الـردف مهـدود=عن شوفته ردتني ظروف وأسباب
نظراتهـا أعطتنـي مواثيـق وعهـود=والظن فيها بنـت الأجـواد مـا خـاب
ميثاقنـا النظـرات والـحـب مـحـدود=بيني وبينه ما حصـل شـي ينعـاب
جسـر المحبـه بيننـا اليـوم ممـدود=وعن حبها قلبي من العام مـا تـاب
هذا الكلام الى من القلب مسـرود=والله مـانـي يـاهـل الـعـرف كــذاب
دكتور لو تشرح عن عيونها السـود=أبرك لنا من شرحك بعلم الأعصاب

صح لسان الشاعر صاحب القصيدة أخوي مجنون ليلى وقصيدة رائعه ونطلب منك المزيد أعجبني كثيرا قوله:

ميثاقنـا النظـرات والـحـب مـحـدود
بيني وبينه ما حصـل شـي ينعـاب


هذا هو الحب العذري الملطلوب...

صح لسانه ولا هنت اخوي مجنون ليلى على النقل.


أبن مصاول

قصيده في غاية الروعه
صح لسان قائلها
وبيض الله وجهك
ولاهنت
اخوي