ابشــروا يامطيــر في بشـــرا جـديــده= لجنـة التفتيــش بالكشــــف كتبتنــــا

غير متواجد حالياً

قصيدة رائعة جدازمنقولة وشاعرها فلاح العراك الهاملي .

ومناسبتها انه:
كان فيه لجنة تابعة للداخلية بأمر من وزير الداخلية تحقق وتدقق في اوراق ومستندات من يطلب اضافة مولود او تعديل اسم المحالة من الاحوال المدنية وتسمى( لجنة التجنيس) وكان مقرها بمحافظة حفرالباطن تحال لها جميع القبائل بأستثناء قبيلة مطير.

المهم اتخذت اللجنة اوامر ارتجالية وطلبت من مدير الاحوال إحالة ابناء قبيلة مطير اليها
وطبعا الكل يدري ان قبيلة مطير نظيفة ولافيها اي شكة مثل بعض القبائل الاخرى وخاصة قبائل الشمال التي يكثر فيها الدخلاء من بعض الدول المجاورة مثل سوريا والعراق والاردن.!!!!
مما جعل ابناء قبيلة مطير تتذمر من هذا التصرف الارتجالي من رئيس اللجنة واصراره على ذلك.
طبعا الشاعر فلاح العراك قال القصيدة التالية وألقاها امام صاحب السمو الملكي وزير الداخلية وامام صاحب السمو الملكي الامير سلمان ابن عبدالعزيز امير منطقة الرياض
بحيث اصدر وزيرالداخلية امره الكريم بأعفاء ابناء قبيلة مطير من الاحالة للجنة المذكورة الى الان.
وسلامتكم

ابشــروا يامطيــر في بشـــرا جـديــده= لجنـة التفتيــش بالكشــــف كتبتنــــا
اصبــروا باكـــر ويطلع بالجـــريــده=ان مثـــل النــازحين معــــاملتنـــا
حطـــوا اللي جــاهـدوا دون العقيــده= مثــل نــاس توها قبــل امــس جتنـــا
لجنــة قامـت تســـوي مــا تريــده= مــا قــرت تاريخنـــا والا نســــتنا
ليتها تــدري حكومتنـــا الرشـــيده= لا نصيـــر اجنـاب ما دارت ســــنتنا
ليــت ابو فيصـــل درى والا عضيـــده= الحــــرار اللي مخـــالبها حــمتنــا
يا فهــد يا راعي الأريــاء الســـديـده= يا ذرى كــل الخليـــج ومملكتنـــا
ســـيدي عنّـــا تــرى الشـــكّه بعيــده= كـان هاللجـــنه بشـــي متهمتنـــــا
خــابــر لمطيــر وقفـــات عـــديـــده= ولو مــواقفنــا رديـــات ســــــكتنا
والرجــل من حــاجته يذكــر رصيـــده= وللرصيــد اللي ينومســـنا التفتنـــا
يــوم تحّتـــك الحــديده بالحـــديــده= ما بقــى في نجــد نــار ما كلتنـــا
يــوم حــرب الفــوضى الله لا يعيـــده= شـــايف صقــر الجــزيــره مرجــلتنا
كـم نهار ما نحســـب النــا شـــريده= في ســـبيل الله دون ام غــذتنـــا
وكـم فقدنا من ذلــول ومن وليــده= بالمغــازي والقبــايل خــابرتنـــا
حدر بيــرق راعي اليمنـى المجيــده= يــوم ابو تــركي مناديبــه دعــتنا
اشـــقر حــّول بقصــر الحكــم ســـيده= ورجعــه بالســـيف مـن نــاس غــزتنـا
حـالــف عبــدالعــزيــز ليســــتعيده= وطقتــه في راس عجـــــلان اجمعتنـــا
وكسّـــر الشـــلفا على بابه شــــهيده= كــل ما منا نســـينا ذكّــــرتنـــا
وجــت عواقبها على المســـلم حميــــده= واهــتدينا يــوم دولتنــا هـــدتنـــا
قبل ما تمشـــي بديـــده مـع بديـــده=وطلعتـــه صقــر الجــزيره وحــدتنـــا
والســــــلام اهـــديه خـــاتمة القصيـده= للملك واخـــوانه اللي حــــاكمتنـــا.