#@قصيده في الطفله المفقوده ابتهال@#

هذه القصيدة بالطفلة المفقودة ابتهال سلطان الرحيمي المطيري أعادها الله إلى أهلها سالمة.........




يرتجـف قلبـي ليامـن ذكـر طفـلـة مطـيـر

ابتـهـال الـلـي خـطـيـر ٍخـفـوقـي تشـعـلـه

كيف يرقد مسلـم ٍعنـده احسـاس وظميـر

والبـنّـيـة تــوهــا أم الـسـنـيـن الأربــعــة

فاقـدة أحضـان أمهـا لا حـنـان ولا عبـيـر

كيـف أوصـف طفلـةٍ دون ذنــب مـروّعـة

عشـرة أيــامٍ مـضـت لا بشـيـر ولا نـذيـر

أظـلـم الزلـفـي وعـانـق ظــلام المجمـعـة

عشـرة أيـام تقـل دهـر والموقـف خطـيـر

والمنـام الـلـي عشقـتـه يـفـزّع مضجـعـه

أحـد يرقـد مفرشـه بـيـن ديـبـاج وحـريـر

وأحــد يـوجـس مـلّـةٍ بالـفـراش مـولّـعـة

الضنـا جنّـة وبُـعـده عــن الـوالـد سعـيـر

والمصيـبـه أمّــه الـلـي سنـيـنٍ تـرضـعـه

افزعـوا تكفـون واستبشـروا خيـرٍ كثـيـر

ما يَعقب الضيق بـاذن الكريـم إلا السعـة

ياإلهـي وانــت نـعـم المـعـاون والنصـيـر

يطلـبـك عـبـدك ودمـعـه يـجـرح مـدمـعـه

يطلبـك مفجـوع مظـطـر ولـوحـده سهـيـر

مايشوفـه كــود عيـنـك ووحــدك تسمـعـه

رد يوسف وابصر اللي عقب فقده ضرير

مــا رجـــع إلا لأنـــك أمـــرت ابمـرجـعـه

ياكـريـم ويــا رحـيـمٍ عـلـى الـشـدة قـديـر

سالمـه ترجـع قـريـب ابتـهـال المجمـعـة

الله يرجعها لأهلها سالمة غانمة وان يصبر أهلها ويجبر مصابهم على فقدها ويصبر أمها المسكينه ويعينها على فراقها..

ومشكور اخوي ماهر على النقل المميز


وتنقل المشاركة لمنتدى الشعر العام بدلاً من القصة والقصيدة!!

مشكووورأخوي ابو ضيف الله ع مروركـ المعطر
تحياتي لكـ،،،،،،،