لقاء مع البراءه

بسم الله الرمن الرحيمن الرحيم

السلام عليكم ورخمة الله وبركاته

ان شاء الله تكونو في اتم الصحه والعافيه

وانا اتصفح النت وجدت لعبه عباره عن اسئله تطرح على ولد صغير وشوف اجاباته0

اعجبني الموضوع 0

والله سائلة ولد اخوي بس لم اتقيد باسئلتهم سالته من عندي أي سوال يخطر ببالي اقوله

بس طلعت اجابات تحفه ما اتوقعتها كذاء0عمره ثلاث سنوات الله يحفظه يارب


اتركم مع المحادثه *


حبيبي ايش اسمك ؟
اسمي فهد

فهد ايش اسم ابوك ؟ ولد مين
ولد بابا

*فهود تحبني ؟
ايوه احبك واحب بابه واحب مامه واحب اخواني واحب عماتي وخالاتي واحب الرجال ....لو ماقاطعته كان حب العالم كله 0

*ليه تحبني ؟
احسن احبك موت

*وش تبي تصير اذاء كبرت ؟
ابي اصير كبير مثلكم
واصير ورده.........لا الولد شكله شارب شي ههههههههه

*فهود بسائلك عن العولمه تعرفها ؟
ايوه ...................فرحة قلت راح اكتشف نابغه سائلته وقلت

*طيب قلي وشهي العولمه يامامه

هي طماطه ............وانااقول نابغه الله اعلم انه بيطلع بياع خضار

*طيب تعرف الكمبيوتر حبيبي ؟
ايوه اعرفه كمبيوترك الوسخ وكمبيوتر خوالي حلو...........شكل الولد حاقد على كمبيوتري

*تبي تدرس فهود ؟
انا قدني ادرس ..........الله يالكذاب

*طيب اذاء قولت شي صح وصرت شاطر وش يقولك المدرس؟
يقول بيعطيني كامري ......................الله الولد يتحلم ولا ان تعليم صار كذاء شكلنا بندرس من جديد

*جبيبي قلي وين تبي تروح بالاجازه ؟
ابي اروح بنده اركب بالعربه وبابه يدفها

*وش تشتري من بنده ؟
نشتري بنده وتصير حقتنا وبنجيبلك جوال ...........والله الولد عنده طموح بيشتري بنده بكبرها


*ايش اسم الجوال الي بجيبه لي ؟

اسمه الساعه ................الله وش هالجوال الي اول مره اسمع به

*تبي يصير معك فلوس كثير ؟
ايوه ابيه يصير معاي فلوس كثيره

*طيب ليه تبي يصير معك فلوس كثيره ؟
عشان بكره اعطيها ابوي يصرفها


من جد استمتعت معاه وان شاء الله انكم انتو كمان استمتعتو معا المحادثه ويكون الموضوع عجبكم

والله انصحكم تجربو والله راح تلاقو العجايب في اجوبت الصغار0


الي ابيه منكم كل واحد يمسك له بزر ويكون معاه ورقه وقلم واسئله ونزلو تجاربكم هنا

اتمنى التفاعل مع الموضوع

دمتم بود

والله يا درر موضوعك حلو
ويسعد فهود اجوبه تضحك
بس الله يعيني على مسكة البزران
بس باخذ ورقه وقلم وجزمه نسيتيها عشان لو رفع ظغطي نتصرف
لي رجعه بدرر البزران .............

اروجه يعطيك ربي العافيه

لا حرام عليك لاتاخذي الجزمه ورقه وقلم بس خليك حنونه وش هالعنف الله يصلحك

انتظر تجربتك حبيبتي