الجيب للشاعر ناصر هوشان الزنغوب

الجيب نحرته طريق خلاوي= وثوغ غباره وانطلق تقل منحاش
زان الطريق وعيّت الرجل تاوي =من دوسة البنزين معاد يناش
فز وكفخ كفخة خطاة النداوي= اليّا كفخ وهوا على برق الارياش
ماله ثمن مركب بعيد الهقاوي=لو زودوا تسعيرته كنها بلاش
يصبر مثل صبر الخوي الحياوي= الطيّب اللي كل ماتزهمه شاش
مهما وصفت الجيب وصفه بلاوي =عزالله ان مصمم الجيب حشاش
والله مقلد بالبخيل الغناوي=عقب اشتريته قيمته كلها كاش
وليا نويت الدرب مابغى مخاوي = اهم شي ابعد عن النذل واللاش
مدّل مدري ياهل العرف غاوي= قبل امس وامس مقيم واليوم طراش
من القصيم اليّا الحفر والصداوي=واردها ليسر طميّه وعكاش
يسوقني غصب الزمان القساوي = وانا مداني عيشة النذل لاعاش
لو مت فقر وجوع ماجيه ضاوي= ولاهين نفسي بين رعيان الادباش
كله ولامنت عيال الشواوي =البعد عنهم حق وارض الله فراش
اخاف يلقى فرصته كل واوي=ويصنع من الابره ثمانين منقاش

الشاعر/ناصر هوشان الزنغوب

صح لسان ناصر هوشان الزنغوب ومشكور اخوي جمال العوني على نقلها لنا..

ليت الشاعر لم يشبه صانع الجيب بالحشاش لأن الحشاش ليس مثالاً للعاقل المفكر المبدع في صناعات مثل هذه السيارات بل هو إنسان وضيع سلم نفسه لرغبات زائفة ترهق عقله ونهايته في مستشفى المجانين

صح لسان ناصر ومشكور ياجمال

صح لسان ابو فواز

المشاركة الأصلية كتبت بواسطة أبن مصاول

صح لسان ناصر هوشان الزنغوب ومشكور اخوي جمال العوني على نقلها لنا..

ليت الشاعر لم يشبه صانع الجيب بالحشاش لأن الحشاش ليس مثالاً للعاقل المفكر المبدع في صناعات مثل هذه السيارات بل هو إنسان وضيع سلم نفسه لرغبات زائفة ترهق عقله ونهايته في مستشفى المجانين

صح بدنك يالذيب

اخوي الفاضل .
مرورك جميل تمنيت لو كان تعليقك على نقطه غير هاذي لان اغلب الشعراء وصفوا بنفس الوصف

مثل الهاجري

وحامد زيد

وابن جخير

كلهم وصفوا بنفس الوصف

اخيرا تقديري لشخصك الكريم

المشاركة الأصلية كتبت بواسطة جمال العوني

صح بدنك يالذيب

اخوي الفاضل .
مرورك جميل تمنيت لو كان تعليقك على نقطه غير هاذي لان اغلب الشعراء وصفوا بنفس الوصف

مثل الهاجري

وحامد زيد

وابن جخير

كلهم وصفوا بنفس الوصف

اخيرا تقديري لشخصك الكريم

وهل الهاجري , حامد زيد, وابن جخير فوق النقد؟؟؟ بل لهم سقطات كبيرة جداً ..جداً

صح لسان قايلها

يعطيك العافية اخوي

المشاركة الأصلية كتبت بواسطة أبن مصاول

وهل الهاجري , حامد زيد, وابن جخير فوق النقد؟؟؟ بل لهم سقطات كبيرة جداً ..جداً

وهل انت وصلت مرحلة النقد اللتي هي اعلى مراحل الادب اخي الكريم ؟؟

اخوي الفاضل الوصف هذا دارج عند جميع الشعراء واعتقد رموزالشعر الشعبي وصفوا بهذا الوصف

اخيرا ابن مصاول كلامك على العين والراس والاختلاف بالراي لايفسد للود قضيه

تحياتي لشخصك الكريم

المشاركة الأصلية كتبت بواسطة جمال العوني

اخيرا ابن مصاول كلامك على العين والراس والاختلاف بالراي لايفسد للود قضيه

تحياتي لشخصك الكريم

بكل تأكيد ..الأختلاف ظاهرة صحيه

صح لسان ناصر ومشكور