أنتهــت قصــة غريبــه وأسمعوهــا ياكـــرام !!؟

انتهى الجرح الاول وابتدى جرح(ن)جديد\\\\\\\\\\وانتهت قصه غريبه واسمعوها ياكرام





صح تقليب المواجع بالسوالف مايفيد\\\\\\\\\\\\وصح ان الصمت قاسي واقسى من صمتي الكلام





بس لا صارت حياتك سجن مظلم وانت قيد\\\\\\\\\\\مالك ألا لا تعبت تطَير آهاتك حمام





كان ياما كان حلم لا قريب ولا بعيد\\\\\\\\\\\\\كان حلمي وكنت حلمه قبل لا يولد بعام





كان يجمع لي اماني كل هالدنيا في أيد\\\\\\\\\\\مادرى ان الاماني كانت بعينه تنام





كان يبكي لا بكيت ويوم اضحك يوم عيد\\\\\\\\\\\\\يبتسم لا من ذكرني حتى لو وسط الزحام





ماأقول انه ملاك والاكيد انه يزيد\\\\\\\\\\\\ولا أقول انه خيال ولو به مثله تمام





شي من هذا وذاك ولاهو نار و لاجليد\\\\\\\\\\\\اندى من ديم السحايب واسمى من معنى السلام




به حنان لو قسى احن من ام الوليد\\\\\\\\\\\\ولي عيون ترتجيه ان غاب عنها ماتنام




ولكن قسوة احساسه وطيبتي والحظ العنيد\\\\\\\\\\\وقلب نبضاته تعاسه والمصالح والملام





علموه كيف يقسى ويهدم الحلم الوحيد\\\\\\\\\\\\وعلمو قلبي الوفا يعني المذله والانهزام




وعلموه وعلموني ومابقى شي اكيد\\\\\\\\\\\\ غير انه يوم حب كان حبه اي كلام




وانه يجري في دمي من الوريد الى الوريد\\\\\\\\\\\ورغم هذا ماكفاه وترك خله والسلام






"منقولــــــــه"

منقول جيد

تحياتي

لاهنت أخوي علي على مرورك وتسلم