|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| منتدى شعراء قبيلة مطير يهتم هذا القسم فقط بشعراء قبيلة مطير وقصائدهم سواءاً المنقولة أو غير المنقولة |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
قصيدة لشاعر متعب علي المشعوف اثناء دراسة في الخارج
كُتب : [ 25 - 08 - 10
- 03:12 PM ]
هذه القصيدة قالها الشاعر متعب بن علي المشعوف المطيري اثناء دارسة الدكتوراه في بريطانيا اثر موقف تعرض له ساءه كثيراً اذ ان هذا الموقف لايقبله دينه ولا ادبة ، ولا نخفي عليكم بان هذه القصيدة سبق وان نشرة في جريدة الجزيرة وقد حذف منها ثلاثة ابيات لاسباب لاتعرف . ولكم هذا الربط http://search.suhuf.net.sa/2010jaz/aug/5/tr3.htm
يابنت شوفيلك مع الناس غيري=تخيري يابنت في جاك او توم روحي وتلقيلك بدالي عشيري=روحي وانا ماني بخوتك ملزوم يابنت لو زينك زها في نظيري=القلب مملوك لغيرك وماسوم لا تستخفك نظرتي وتعبيري=تراي عن عشق الغنادير مفطوم أنا تراي عن الهوى مستخيري=قفلت بابه وأصبح القفل مختوم وعن صيد بعض الصيد برقعت طيري=ماعاد طيري فوقهن يكسر الحوم أعز أنا نفسي بوجهاً ستيري=وأعف عن بعض المجالات وأشوم أنا سعودي والمعزه مصيري=وفي دار أخو نوره مكرم ومحشوم أنا سعودي في المواقف ماحيري=إن عشت عشت بعز وإن مت مرحوم يابنت أنا داري تعز القصيري=متوارثين الجود حاكم ومحكوم رجالهم لو هو مقل فقيري=كنّه من العفه ملك خزنة الروم لو كان ما يملك فراش الحصيري=منزه عرضه عن الشوم واللوم وجدي عليهم وجد من هو كسيري=خلّوه ربعه طايح في نحى القوم حالوا عليه وعرضوه الشطيري=طلاب ثار وصار بالثار متهوم ينخى بني عمّه ولا له مجيري=يشوفهم مقفين والموت محتوم بس أتوجد والتوجد خطيري=لا شك أداوي فيه زفرات مهموم دنيا حدتني وأبعدت في مسيري=وغرّبت عن داري مقدر ومقسوم وأصبحت في دارك سوات الأسيري=مقيّد كني على الوجه ملطوم لا واعشيري صار قربه عسيري=بيني وبينه لجة بحور وحزوم خلاً مكانه في ضميري كبيري=إليا ذكرته حاربت عيني النوم اللي كلامه مثل نقع الغديري=على الشرف مادق في العرض مثلوم ماهي بمثلك كل يومٍ تغيري=ماتستحين ولالك اعراف وسلوم هذيك بنت مدلهين القصيري=بنت الرجال اللي لهم حظ وعزوم عذروب أهلها ينطحون المغيري=ميقافهم ينشاف والكون مزحوم كم فارسٍ كزوه وأصبح عثيري=من ذاق ضرب أيمانهم عقّب الزوم ذكرتهم والدمع منّي غزيري=خيالهم ماغاب عني ولا يوم وأذكر فروخ لي سمت للمطيري=صغار ما كمل لهن ريش وتحوم كبيرهم توه بسن صغيري=شيهانة من عينها الموت ملحوم يوم أتذكرهم دموعي تحيري=وأذاود العبرات وطيح وأقوم أجي وأروح وعبرتي في ضميري=تروج في صدرٍ من العام مكتوم يعلم بها اللي بالخوافي بصيري=شكواي للي له خفى السر معلوم سندتها على اللطيف الخبيري=ما ني مسندها على جرف مهدوم
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
