قصيدة الدمعه جديد

السلام عليكم ورحمة الله وبركاته

إليكم القصيده وأتمنى أن تحوز على رضاكم:

الدمعه اللي تزعج القلـب والعيـن
إليا أمتلت بالجفـن وجهـت قبلـه
أسجد له اللي خالق الناس من طين
الواحد اللـي ماعـرف حـد قبلـه
تذرف دموع العين من خشيّت الدين
الديـن لله والرشـد درب سبـلـه
دمعي أحشمه عن فـراق المزاييـن
ماني من اللي تِدمعـه بنـت خبلـه
أحب نفس النـاس حـب العفيفيـن
أمشي على السنّه ونهجـن نسبلـه
الرجل لا مـن زل عنـد الكبيريـن
بعض العبـاد تقـوم لـه وتعتبلـه
ياما صغارٍ لُهـم حشمـه وغاليـن
وياما كبـارٍ عقلهـم حجـم دبلـه
أتوب وأذنب وأرجع أتـوب بعديـن
ميـر البـلا يالله ذنبـي حسبـلـه
وجدي كما اللي غارق بحر مسكيـن
وإليا قـرب للجـال مـوجٍ قربلـه
ياخذه عن الناس والنـاس مقفيـن
ومن الصياح الصوت مقطوع حبلـه
فـي ليلـةٍ براقهـا يجهـر العيـن
كلـن تخيّـر مـزبـنٍ ونهذبـلـه
ولا وجودي وجد من جـاه يوميـن
إجـازتٍ مـن ضابـطٍ لـه كتبلـه
وده يـزور إلـذود ربـعٍ مواليـن
يتبـع هـواه وكـل بـرقٍ رقبلـه
في ديـرةٍ جوالهـا مـاش برجيـن
بعـد المسافـه نزلـه ماحسبـلـه
يمشي بسرعه عقّب الميـل ميتيـن
وثوّر غبـاره ليـن عجـه عقبلـه
حتى إنفرق دربـه وحيّـر بدربيـن
ومن غفلتـه شالـه مطـبٍ قربلـه
وقام يتقلب بالهوى يسـار ويميـن
ونجا من الحادث وبه عاهـت أبلـه
في موقعٍ ماينعـرف لـه عناويـن
محدٍ درى لو تضرب بصوت طبلـه
وش حيلتي والوقت واقف إليا الحين
والليل طـوّل والسهـر منغصبلـه
في ثلث ليله والمخاليـق ممسيـن
ليـن أذن المـذن وكلـن ذهبـلـه
أقرى كتابٍ فيـه هـدي المضليـن
وأكفّر ذنـوبٍ علـى الكبـد دبلـه
العمر يمضي وأعرف الهرج ياحسين
بذره وزهـره ومعـا الأيـام ذبلـه
وأدعيـك يالخـلاق بيـن الأذانيـن
يالله تعطينـي مـع النـاس قبلـه

قصيدة الشاعر/نواف بن محمد الشويب

صح السان الشاعر الشويب

مشكور دخيل الغلا

لا شكر على واجب اشكرك اخي بدرعلى هذا التواصل المميز

صح السان الشاعر
وتسلم ايدين النااقل

الله يسلمك مشكوره ع مرورك ذووق ويسعداني حضورك