اجي لعيونها ؟؟؟؟؟؟

السلام عليكم ورحمة الله وبركاته :

البارحه ياللي وجودك جود وغيابك جحود

يا اللي هل النمات لو يرمونها يخطونها

يا اللي شمال من الخبر شرق (ن) عن رمال النفود

يا اللي تعنيني لها اقدامي واجي لعيونها

ما هي وراء حد الحدود الا على حد الحدود

البحر كله من وراها والسهل من دونها

البارحه ما بين ريحانك ونفحات الورود

هبت هبوب الشوق والذكرى تميل غصونها

احييت فيك الطاري المعهود والحبل معقود

وغنيت لك منظومة (ن) طاروقها ولحونها

قصيدة (ن) يا كثر ما جاني عليها من الردود

ويا كثر من غنى لحنها بعد ما يقرونها

ما هيب من طرق الرومنسيه ولا قرق الهنود

أبيات تبقى للزمان ولونها هو ألونها

ما ألذ من طعم الغلا ولا أمر من طعم الصدود

يالله عسى ربك يعين وجيتك يا عونها

يومن من أيام السنه وليل (ن) تغطيه الرعود

سريت لي في ليلة والناس ما يسرونها

اسرجت للمسراح خيل وحن للمرواح ذود

وعدتني الشيمه وخوف الناس لا يعدونها

اللي تقيدني وانا يابو فهد مالي قيود

ولازال تطعني وانا لازلت اشيل طعونها

اللي مشكل حزبها فيني ولا حزب الليكود

فديتها عسى هل النمات مايدرونها
م.....................................ش

ههههه
ياعيني عليك يابوحمود
يعطيك العافيه ولاهنت

يعطيك العافيه اخووي لاهنت

صح لسان الشاعر.لاهنت اخوي ولد الدويلة على النقل

جبر الخواطر يعطيك العافيه على المرور الرائع
وتسلم

بنت ملوك تسلمين وشكرا على مرورك

ومن يقول ابو راكان وشكرا على المرور الرائع

مشكور على نقل الابيات تحياتي لكم

يعطيك الف عافيه اخوي ولد الدويله

يعطيك العافيه امير الروح على مرورك الرائع