سمو الحرف

بسم الله الرحمن الرحيم
اقدم لكم اول مشاركاتي وباذن الله تحوز على رضاكم واعجابكم وان اكون خفيف الظل عليكم
وشكراا

ياراعي الحرف وينك طالت المدة =ماغير اطالع بحرفك وسط جوالي
من عقب صديت والصدة هي الصدة=واقفت مطياك وانا اشوف يالغالي
قلبي من الهم جاه اليوم ماسدة=ثلاث شهور وانا ضايقاً بالي
ياطير ياللي تجيب العلم وترده =لا جيت بيت الرفيعة شل مرسالي
ودور على خلي اللي ناعماً خده=غرواً بديع الوصايف زين الاشكالي
ابو جديلاً على المتنين لا كده=ثم انجلا الليل عن صبحه تهيالي
بلغ حبيباً سكن وسط الحشى مدة =بلغ سلامي وسولف له عن احوالي
قله تراي أعشقه وأغليه وأوده=وأشيل حرفه على صدري ولا أبالي
وقله ترى صاحبك صبره وصل حده=مجروح وانته حبيبي فالوطن سالي
أن كان جايك خطاء من صاحبك عده=والله ليرضى حبيبي والله الوالي
أما اذا كان هجري شفه وده=ماعندي ألا القصيد وبدع الامثالي
ان كان وانه يبيني يسرع الردة =وان كان روح تراني ميت لحالي

وســــــلامتكم

صح لساااااااااااااااااااااني

الأخ الشاعر بوح المشاعر صح لسانك ولا هنت على هذه القصيدة الجميله ..واهلاً وسهلاً بك الى منتديات الموازين

نرجو ان تصرح بأسمك حفاظاً على حقوقك الفكريه والأدبيه.

لتنسيق القصيدة أنظر هذا الرابط
http://www.almouazeen.com/showthread.php?t=1874

أبن مصاول

صح لسانك اخوي بوح المشاعر على القصيدة الجميلة و تشرفنا بنضمامك معنا. وقد جرى تنسيق القصيدة

صح لسانك اخوي بوح المشاعر على القصيدة الجميلة

أخوااااااااااااني الاعزاء شكراً لكم على حسن الاطراء و التعليق ولا خلاء ولا عدم ؟؟؟؟؟؟؟؟؟

صح لسانك لاهنت على القصيده

صح بدنك يابدر ولاهانوا الاخوان ابن مصاول وابو راكان وابن صحران والاخوان كلهم ...........

يسعدني اخواني الاعزاء في منتدى الموازين ونزولاً عند رغبة الاخوان المشرفين على المنتدى ان أصرح بالاسم وذلك لحفظ الحقوق الادبية التي تطرق لها الاخ العزيز ابن مصاول في بدء الامر اخوكم : مقرن الميزاني

صح لسانك يامقرن الميزاااااني ونتشرف بوجودك في الصرح الثقافي وهلاااا وسهلا