قصيده مهداه للدوشان للشاعر /بادي الزنغوب

انقل هذه الابيات مهداه الى شيوخ مطير الدوشان والاسم غني عن التعريف

الا ياهل المدايح خلوالامداح للدوشان=شيوخن كاتب التاريخ كاتبها وذاكرها
شيوخ مطير حمران النواظر كلهم فرسان=زعامتهم قديمه والعرب تذكر مفاخرها
فعول اخوان جوزا ينطحون القوم فالميدان=تحقق كل ماتبغى ويطرى في خواطرها
ليامني ذكرت فعولهم في ماضي الازمان =اقول النعم في الدوشان ماضيها وحاضرها
جبالن في الجزيره راسيه غصباً على الزعلان =على كل العدا وبحكمة المعبود ناصرها
تحت هيبة سيوف شيوخنا حزنا على الصمان =وهذي من فعول شيوخنا الله لايغيرها
لواذكر من كبار شيوخنا فيصل ولد سلطان =فعوله بالحرام اني على القرطاس ماحصرها
وغيره كم دويشاً فى المواقف نزح العدوان =لياجاك الدويش بديرتن هلت بشايرها
واذا جا فالزمن شعله واذا جا فالزمن دخان=لك الله ماتغيب شيوخناوالكل خابرها
ليامنك عنزت اعنز عليهم وانته الكسبان=ترى كل الامور شيوخنا الدوشان تقدرها
ترى عز الشيوخ اهل الاشده عز للمطران=شيوخن كالصقور اللي قليلاتن نوادرها
وانا ماقول في شيوخ العرب عيباً ولانقصان =لكن النفس في الدوشان تجبرني مشاعرها
اغني بالقصايد واعرف الطيب من الرديان=هواجيسي لمدح شيوخنا ماني بعاذرها
اركبها على معنى واركبها على القيفان=وانا ماني من اللي ينظم بيوته ويكسرها
وانا ماقولي حاجه بلا شاهد ولابرهان=ولا لديت في ناسن مضيعتن بصايرها

الشاعر/بادي الزنغوب

صح لسان الشاعر بادي الزنغوب

ويستاهلون اخوان جوزاء المدح

وتسلم يمينك على النقل شاعرنا متعب الزنغوب وننتظر جديدك

صح لسان الشاعر بادي الزنغوب والف شكر لك أخوي متعب الزنغوب على النقل

وآلله ونع ـم ملآيين وبآخ ـوآن ج ـوزآ ولآيكفون

صح الله السآنكـ ع هآلج ـزله مبنى ومع ـنى وتسلسل ج ـميل

قوآكـ آلله

مودتي

\

لاهنتم على المرور العطر

يستاهلون المدح اخوان جوزا
صح لسان الشاعر / بادي
ومشكور على النقل اخوي متعب

صح لسان الشاعر/بادي الزنغوب ولا هنت على النقل اخوي متعب ويستاهلون أخوان جوزا

دوشان من دوشان والدوشان كلٍ ذايقٍ لوعاتها

متعب الزنغوب صح السانك حتى ترضى على هذا القصيده الجزله بحد ذاتها شكر وتقبل اعجابي

ابن الشاعر لاهنت يالغالي على المرور ابوماجد الله يعطيك العافيه مرورك شرف ابن مصاول اشكرك على مرورك معودنا دائما على الضهور المتميز ومشاكتنا في جميع مانطرح من خلال منتديات الموازين لك اجمل تحيه

صح لسانك اخووي
لاهنت