مسرح الاحلام

يامسرح  الاحلام  وش   فيك   عزلتقضيت   وقتك   بين   حلمي   وياسي

مدري  قضى  وقتي  معك  او  تمللتماكنت   اضن   بيوم   بتصير    قاسي

من خلقة الله  لي  وانا  احلم  ولازلتويانكبة     الاحلام     مانيب      ناسي

ذيك الهنوف  اللي  لها  الحب  وصلتاللي    لها    فالقلب    حبٍ    قياسي

حبٍ   على   وضح    النقا    ماتختلتمن   حبها    نسيت    ربعي    وناسي

واليوم  مالت   يوم   انا   بحبها   ملتوبالامس    كنا    كالجبال    الرواسي

وفي شجرة الحب  النقي  قد  تضللتواليوم شمس الهجر من  فوق  راسي

من   هجرها   ياناس    انا    ماتحملتوضيعت  انا  بالهجر   صبري   وباسي

وطولت في درب السهر صدق طولتامشي  وانا   هاجر   دروب   النعاسي

وشربت  من  طعم  المراره   وفللتبيد   الهنوف   اللي    رمتبه    بكاسي

ماجات   في   بالي   ولا   قد   تخيلتان   الفرح    بيصير    جرح    ومأسي

مابي  رصيد   الحب   انا   له   تنازلتفبنك   الغرام   اليوم   بعلن    فلاسي

صح لسانك ا خوي احمد على هالقصيده والله لايهينك

احمد الزراقي

صح لسانك مدد بلاعدد ولاهنت

تحياتي

صح لسانك احمد الزراقي على القصيده الرائعه لاهنت

صباحات من الابداع والجمال

سبحاً من وهب الاحساس تألقاً

استاذي تكتب لتنتصر للشعر وللحب للمطر وللشوق ولنا

تكتب الان لتجعلنا رهن ماتمطره لاحقا ,, هنيئا للشعر بك

صح قلبك

احترامي لسموك

احمد الزراقي

صح لسانك فصيده جزله ببصمة شاعر متمكن

دام ابداعك

صح لسانك ... وبيض الله وجهك على هالابيات الطيبه

صح لسانك أخوي أحمد الزراقي

الله الله
ياسلام عليك يا احمد

صح السانك وبيض الله وجهك على هذه القصيده الجزله

وكعادتك تاتي لنا بروائعك الشامخه لاهنت تحيتي لك ..

صــــــ ـح بوٍح ـــــكُ الشاعرٍ احمد ..
بيض الله وجهكـ قصيدهـ رائعهُ .. لآهآن قدرٍكـ