يلعب على الحبلين

آليا حدنك ظروف الزمان الله عليه يعين = قضى صبرك وقلبك من همومه جاه ماكفاه

نصيحه لك ثمينه لا تهاون بين حين وحين=خذ العبره من اللي فات واللي جاك تاتلقاه

ترى الفرصه تجي بالعمر مره ما تجي بعدين=لاجاتك لا تطوفها مادام الوضع في مجراه

تعلمك الليال المقبله وتشوف زين وشين=على مر السنين تعرف والعاقل يشوف اخطاه

قليل الخاتمه لا رحتله يلعب على الحبلين=تخليك الظروف تروحله وأنته تبي فرقاه

يحدنك ظروفك والعرب عنها ماهم دارين= توريك التعاسه يوم غيرك عاش في دنياه

ضعيف الناع ماينفعك لو إنه من الأدنين= تجنب سكته يا جعل من دونه يحول اقصاه

يباين معدن الرجال والخافي لزوم يبين=وكانه مانفع جعله مراح مقيط هو ورشاه

يقولون الدروب مفتحه والناس مختلفين= ومن جنب طريق اهل السنع خله على عمياه

عليك بخوت الطيب سلاحن معك ذو حدين= أليا منك نصيته قال تبغى المال ولا الجاه

يكفي منه لاجيته يقابلك بقبالن زين=ترى الطيب على ذكره وفعله معك ماتنساه

تعرفه عند وقفاته يرد الصاع بصاعين= يقول ابشر بعزك لا وصله العلم متعداه

معك في حزة الفزعات مختلفو عليه اثنين=يدير الراي بالحكمه هذا جعل الردي يفداه

الحميدي بن فارس بن مدلج

ترى الفرصه تجي بالعمر مره ما تجي بعدين
لاجاتك لا تطوفهـا مـادام الوضـع فـي مجـراه
شكرا اباخالد على القصيدة الممتازة لحكمتها ولاغرابة على مثلكم-تقبل مروري

صح لسانك يابو خالد

صح لسااانك

صح لسان أبوخالد وننتظر منك المزيد تقبل مروري

صح السانك يابو خالد .

صح لســــانك اخوووي

صح لسانك واعتلى شانك يابو خالد.

صح لسانك ابوخالد

عليك بخوت الطيـب سلاحـن معـك ذو حديـن
أليا منـك نصيتـه قـال تبغـى المـال ولا الجـاه

يكـفـي مـنـه لاجيـتـه يقابـلـك بقبـالـن زيـــن
ترى الطيب على ذكـره وفعلـه معـك ماتنسـاه



الحميدي بن فارس

صح الله لساانك

وتسلم يمينك على القصيده الجميله والمعبره

تقل مروري